癡膠雞 (軒尼詩道)

營業中

休息中

呢日喺灣仔搵食，搵到呢間地道小店叫痴膠雞個名咁有趣就決定試吓！嚟到就試咗佢哋嘅招牌菜─羊肚菌花膠雞米線，石頭鍋上夠晒熱，湯底濃郁，羊肚菌同花膠都好新鮮，口感滑嫩，加埋鮮嫩嘅雞肉同米線，真係一碗滋味十足嘅好湯麵！食完真係令人心滿意足。另外碗係椰子雞米線，新鮮嘅雞肉同米線加入椰子燉煮，令到湯底更加濃郁同香濃。椰子肉嘅香甜味同雞肉嘅鮮嫩口感完美結合，經典😋最後，叫左杯桃味冷泡茶。呢杯冷泡茶清新怡人，桃味香濃，令人口感舒爽。特別係岩岩食完熱辣辣嘅湯麵後，飲返杯呢款冷泡茶，真係好消暑同解膩！