更多
2012-06-27
104 瀏覽
幾個月前睇到某雜誌介紹串燒,膽粗粗去試試(實在喺對香港串燒已經無乜信心),點知又有啲喜出望外!早前唔見咗一排,最近睇到有新動向,即刻又走去試吓。水準依舊,但就多咗好多嘢食,新嘢主要喺是日海鮮同埋冷盤。其實哩間嘢都可謂「唔知就比佢嚇死,知就爽死」,皆因佢日頭本來喺茶餐廳,入夜後先喺條好唏嚧嘅街開門做生意。可能因為咁,所以就有好多好平嘅正嘢食~小妹主攻,首選鵝肝!除咗因為本身喺「膽固醇」人之外,當然喺因為抵啦!$68 食到出面舊幾水嘅鵝肝喎!!除咗鵝肝,仲有我至愛嘅羊!紐西蘭羊架!medium rare 但啲肥羔燒到脆,正!喺第二度試過黑豚腩卷荔枝、煙肉卷車厘茄之類嘅嘢,但都喺最鍾意哩個配搭﹣﹣黑豚腩唔會好似煙肉咁咸,肥羔唔會好多,燒過後好香口但唔會太油,加埋好多汁嘅荷蘭車厘茄。簡值喺絕配!但記得趁熱食,凍咗個茄會縮,啲汁會流走晒。金菇,我本來麻麻地,成日覺得佢有陣唔知咩怪味,而一般食到嘅金菇牛肉卷唔知喺咪太多金菇而肥肉又薄,所以硬喺覺得有啲燒唔透嘅感覺。但今次一試,安格斯牛肉包住少少金菇,又好正喎!最主要當然喺個牛香,配返少少菇,唔膩口。從無喺度食過雞軟骨,因為本來就對雞軟骨就無乜冀望。
早前唔見咗一排,最近睇到有新動向,即刻又走去試吓。水準依舊,但就多咗好多嘢食,新嘢主要喺是日海鮮同埋冷盤。
其實哩間嘢都可謂「唔知就比佢嚇死,知就爽死」,皆因佢日頭本來喺茶餐廳,入夜後先喺條好唏嚧嘅街開門做生意。可能因為咁,所以就有好多好平嘅正嘢食~
小妹主攻,首選鵝肝!除咗因為本身喺「膽固醇」人之外,當然喺因為抵啦!$68 食到出面舊幾水嘅鵝肝喎!! 除咗鵝肝,仲有我至愛嘅羊!紐西蘭羊架!medium rare 但啲肥羔燒到脆,正! 喺第二度試過黑豚腩卷荔枝、煙肉卷車厘茄之類嘅嘢,但都喺最鍾意哩個配搭﹣﹣黑豚腩唔會好似煙肉咁咸,肥羔唔會好多,燒過後好香口但唔會太油,加埋好多汁嘅荷蘭車厘茄。簡值喺絕配!但記得趁熱食,凍咗個茄會縮,啲汁會流走晒。 金菇,我本來麻麻地,成日覺得佢有陣唔知咩怪味,而一般食到嘅金菇牛肉卷唔知喺咪太多金菇而肥肉又薄,所以硬喺覺得有啲燒唔透嘅感覺。但今次一試,安格斯牛肉包住少少金菇,又好正喎!最主要當然喺個牛香,配返少少菇,唔膩口。 從無喺度食過雞軟骨,因為本來就對雞軟骨就無乜冀望。大部份地方食到唔喺炸就喺烚完先求其燒兩吓,不過今次 order 咗好耐都未有得食之後,追單先知原來哩度啲雞軟骨喺生燒,用雞軟骨本身嘅油煎返佢自己。出到嚟效果幾好,香脆可口。 串燒之中考工夫嘅,雞翼可謂數一數二。大部份串燒店,其實都係烚完或者炸完先燒,所以好油亦唔好食,實在係自己喺屋企煎無咁嬲!但哩間嘢都可謂有誠意,皆因佢哋堅持生燒,雖然需時,但出嚟嘅效果非常好!外皮大部份嘅油都燒走晒,又脆口,但裡面肉質仲喺嫩滑。 仲有次次嚟都追加嘅雞肶菇 是日撞啱有海鮮!
先嚟露燒蚌仔。問返先知,所謂嘅「露」喺玫瑰露!$38 隻本來都覺得有啲貴,但喺放到入口,竟然又覺得有啲抵,哈哈~ 蚌仔好鮮甜,肉又爽口,玫瑰露又香,但唔覺有酒嘅辣味。
張貼