浪人日本料理 (已結業)

話說早兩晚同屋企人諗住食放題慶祝生日，上OpenRice 睇呢間d評語唔錯諗住試下啦！一坐低就好自然落單，但上菜的速度真係好慢，佢有限時兩個鐘用餐，但我地頭一轉叫的食物有d可以到差唔多夠鐘先黎，甚至有d我地叫左都無黎到！放題黎講呢間餐廳款式算少，味道更加一般，其中我地叫左一款魚直頭腥到想嘔！食物一般都算，但最離譜既係我從未試過食放題飲品每人只能寫一杯！放題不是應該任飲任食的嗎？只能飲一杯野飲真係好離譜！整個過程大家都已經食得唔係咁愉快，到埋單職員找錢的時候，我將所有找的錢都攞哂，結果職員黑我面！令到我更加嬲！餐廳有收服務費，我點解仲要比小費？老實說，如果你地餐廳服務好，我真係唔介意比小費，但呢間餐廳咁既質素，就算請我都唔會再黎！