影片
更多
2018-05-03
142 瀏覽
呢日約咗朋友喺灣仔伊館睇籃球比賽，睇波之前就喺附近搵嘢食，近近地就去咗灣仔呢間新泰食泰國嘢！冇乜期待之下，竟然有啲驚喜！一上到去就覺得個門面幾好地方好大，俾人感覺比較高級！侍應安排咗我同朋友坐窗口卡位，坐得非常舒適，而且感覺好乾淨，唔似有時去細啲嘅泰國餐館咁迫夾！不過一睇佢個menu,又唔算特別貴，我覺得屬於正常價錢！好多野都想食，不過得兩個人，唔可以食好多！不過諗都唔諗一定要叫嘅一定係泰式生蝦！雖然$98有5隻有啲貴，不過佢都幾大隻同好彈牙，配埋蒜頭辣椒同酸酸辣辣嘅汁，好醒胃，好好味😭另外一樣必食嘅係Padthai! $98，好鍾意佢鋪喺面個層蛋，好靚😂 講番味道，係好食嘅，調味各樣都啱啱好，啲粉唔會太乾或太濕！唔錯！青咖哩雞$78，雖然menu有辣椒樣，但係唔辣，反而有啲甜味，怕辣嘅人都食得！雖然已經飽飽地，但見到個咖哩汁咁正，忍唔住叫多個印度薄餅（$30）食埋啲汁😂份量都多，夠熱又鬆化，撈埋啲汁食下食下食晒咁多👍🏻兩個人埋單$330左右，都可接受，值得番轉頭食多幾次！
一上到去就覺得個門面幾好地方好大，俾人感覺比較高級！
侍應安排咗我同朋友坐窗口卡位，坐得非常舒適，而且感覺好乾淨，唔似有時去細啲嘅泰國餐館咁迫夾！
不過一睇佢個menu,又唔算特別貴，我覺得屬於正常價錢！
好多野都想食，不過得兩個人，唔可以食好多！不過諗都唔諗一定要叫嘅一定係泰式生蝦！
8 瀏覽
0 讚好
0 留言
雖然$98有5隻有啲貴，不過佢都幾大隻同好彈牙，配埋蒜頭辣椒同酸酸辣辣嘅汁，好醒胃，好好味😭
17 瀏覽
0 讚好
0 留言
另外一樣必食嘅係Padthai! $98，好鍾意佢鋪喺面個層蛋，好靚😂 講番味道，係好食嘅，調味各樣都啱啱好，啲粉唔會太乾或太濕！唔錯！
12 瀏覽
0 讚好
0 留言
青咖哩雞$78，雖然menu有辣椒樣，但係唔辣，反而有啲甜味，怕辣嘅人都食得！雖然已經飽飽地，但見到個咖哩汁咁正，忍唔住叫多個印度薄餅（$30）食埋啲汁😂
16 瀏覽
0 讚好
0 留言
份量都多，夠熱又鬆化，撈埋啲汁食下食下食晒咁多👍🏻
兩個人埋單$330左右，都可接受，值得番轉頭食多幾次！
張貼
