文洪記 (已結業)

做運動前想食少少野，所以叫碗剩墨魚丸同生菜，有個肥肥地既阿姐幫我落單，態度奇差，話墨丸湯已經有菜，我話我想要多菜，阿姐話你食住先。結果墨丸湯黎左，得生菜兩條，我食左兩三啖之後已經覺得個口好乾，墨丸味道又一般，埋單個時阿姐掛住抽煙，我係cashier都等左2-3分鐘阿姐先幫我埋單。我問有無得八達通俾錢，之後死死地氣拎部機出黎，叫我放張卡上去啊，我以為係touchless contact，你知啦，而家疫情期間，盡量都唔想掂部機，點知個阿姐又喝我，放上去啊！收據又無，屏幕又無顯示餘額，都唔知扣左我幾多錢。夜晚得一台客，而家疫情期間態度都咁差，服務都味道都唔得，以後都唔會幫親呢間野😡😡😡