影片
更多
2017-12-08
1691 瀏覽
係灣仔道一定唔會錯過家賀屋嘅大招牌，一睇個名咩刺身寿司專門店就覺得好貴。但女朋友話有12蚊件壽司喎，一開頭我以為呃我去食貴嘢，最後佢係 Openrice 開張圖俾我睇，原來係真，咁今晚就拿拿臨去食先！想叫店員仲可以禁機仔。三文魚頭湯 ($35)依排勁凍，街又大風。我哋一坐落就飲返碗三文魚頭湯，鮮甜帶點辣，仲勁足料，可以食埋三文魚肉，好温暖。明太子雞翼 ($45)之後嗌咗個少食，燒雞翼又有邊個唔鍾意食呢？脹卜卜嘅雞翼燒得好惹味，裡面仲釀咗帶鹹香嘅明太子，另外仲有檸檬汁俾你去下油膩。特選鮪盛 ($220) 原來餐廳岀名係賣日本最頂級嘅吞拿魚藍鰭，雖然我一心係嚟食十二蚊壽司，但聽至係頂級吞拿魚喎，都幾心動。除返都係 $37 舊，可以試晒吞拿魚嘅背肉、中吞拿魚同大吞拿魚腩。三種都好鮮甜同吞拿魚味好重。但講到最好食一定係腩肉，姐係大吞拿魚腩，呢個部份嘅脂肪較多和平均，有入口即演嘅感覺，肉質嫩滑幼細，真係超晒班。終於到十二蚊壽司啦！由左邊開始介紹啦：七味燒鯖魚 ($12/件) 有鯖魚嘅鮮味，味首幾豐富。油甘魚 ($12/件) 好香滑，未算肥美，但呢個價錢嚟講我可以食多十舊。空運立魚 ($12/件)
想叫店員仲可以禁機仔。
三文魚頭湯 ($35)依排勁凍，街又大風。我哋一坐落就飲返碗三文魚頭湯，鮮甜帶點辣，仲勁足料，可以食埋三文魚肉，好温暖。
明太子雞翼 ($45)之後嗌咗個少食，燒雞翼又有邊個唔鍾意食呢？脹卜卜嘅雞翼燒得好惹味，裡面仲釀咗帶鹹香嘅明太子，另外仲有檸檬汁俾你去下油膩。
特選鮪盛 ($220) 原來餐廳岀名係賣日本最頂級嘅吞拿魚藍鰭，雖然我一心係嚟食十二蚊壽司，但聽至係頂級吞拿魚喎，都幾心動。除返都係 $37 舊，可以試晒吞拿魚嘅背肉、中吞拿魚同大吞拿魚腩。三種都好鮮甜同吞拿魚味好重。但講到最好食一定係腩肉，姐係大吞拿魚腩，呢個部份嘅脂肪較多和平均，有入口即演嘅感覺，肉質嫩滑幼細，真係超晒班。
終於到十二蚊壽司啦！
由左邊開始介紹啦：七味燒鯖魚 ($12/件) 有鯖魚嘅鮮味，味首幾豐富。油甘魚 ($12/件) 好香滑，未算肥美，但呢個價錢嚟講我可以食多十舊。空運立魚 ($12/件) 裡面包咗塊葉，食落有啲薄荷味，夠清親新特别。
三文魚腩 ($12/件) 都幾肥美香滑。特大帆立貝 ($58) 真係難以抗拒，實在太大舊喇！唔止鮮味十足，仲頸肥美。厚身淡淡肉，好有口感，好美味呀！
勝手丼 ($98)除咗有12蚊壽司，仲有100蚊有找嘅魚生飯。有蟹籽、牡丹蝦、帶子、三文魚同吞拿魚。哇！講真咁豐富嘅魚生飯係岀面都揾唔到喇。魚生一啲都唔差，牡丹蝦同帶子都做到爽口彈牙，三文魚同吞拿魚都好新鮮同有口感，蟹籽又多又脆卜卜。飯嘅份量都好多，落埋專係用嚟食魚生飯嘅甜甜櫻花汁真係好開胃。
張貼
