影片
更多
2020-01-06
56 瀏覽
今日帶Daddy Mammi 同女友到鵝頸橋底嘅「喜記避風塘炒辣蟹」食飯！湊巧老豆農曆生日， 撞正好日可以一家大快朵頤！我地order 左個四人套餐 ($998)有招牌避風塘炒辣蟹、豉椒炒蜆、馳名生炒骨、蒜蓉粉絲蒸扇貝、蒜蓉炒時菜、避風塘炒牛粉；老豆見d餸菜咁香口， 就好貼心咁叫多個泡飯清清熱氣。 招牌避風塘炒辣蟹一上台就香到暈！最正就係佢嘅避風塘料！味道非常複雜， 咸辣蒜香剛剛好， 就算係就咁食都唔會覺得太過重口味！ 炒蟹炸到脆面鎖死肉汁， 每啖都係爽嫩蟹肉！食到手指都要啜埋！豉椒炒蜆好香豆豉味，少少辣味更將蜆嘅鮮甜帶出。而食哂咁多隻，都冇聽了屋企人話有沙， 就知喜記d 師傅係做足準備工夫先製作佳餚比客人食。 馳名生炒骨係我最愛， 因為啖啖肉😂 甜甜酸好開胃， 真係好想叫個白飯襯下啊大佬！蒜蓉粉絲蒸扇貝就唔洗多講啦！ 大隻又鮮甜！避風塘炒牛粉好香口好食，牛肉爽嫩之餘， 河粉又夠哂味又夠火喉， 唔會一pat pat.
我地order 左個四人套餐 ($998)
有招牌避風塘炒辣蟹、豉椒炒蜆、馳名生炒骨、蒜蓉粉絲蒸扇貝、蒜蓉炒時菜、避風塘炒牛粉；
老豆見d餸菜咁香口， 就好貼心咁叫多個泡飯清清熱氣。
招牌避風塘炒辣蟹
一上台就香到暈！最正就係佢嘅避風塘料！味道非常複雜， 咸辣蒜香剛剛好， 就算係就咁食都唔會覺得太過重口味！ 炒蟹炸到脆面鎖死肉汁， 每啖都係爽嫩蟹肉！食到手指都要啜埋！
豉椒炒蜆
好香豆豉味，少少辣味更將蜆嘅鮮甜帶出。而食哂咁多隻，都冇聽了屋企人話有沙， 就知喜記d 師傅係做足準備工夫先製作佳餚比客人食。
馳名生炒骨
係我最愛， 因為啖啖肉😂 甜甜酸好開胃， 真係好想叫個白飯襯下啊大佬！
蒜蓉粉絲蒸扇貝
就唔洗多講啦！ 大隻又鮮甜！
避風塘炒牛粉
好香口好食，牛肉爽嫩之餘， 河粉又夠哂味又夠火喉， 唔會一pat pat.
張貼
