棋子燒鵝 (長沙灣道)

營業中

休息中

已經有一排冇食燒味，但係偶然都會掛住嗰陣味道！今日經朋友介紹嚟咗深水埗嘅棋子燒鵝，品嚐佢哋嘅美食。棋子燒鵝主打燒味，可以配飯、瀨粉、米線等煮食。而且仲有常餐、下午茶供應，選擇非常豐富。今日嚟到就梗係要主要試吓佢哋嘅燒味啦！廚房有大型玻璃窗，可以見到立立令嘅燒鵝，肥美嘅叉燒等等。燒鵝髀飯 $108一嚟到嗰陣有驚喜，燒鵝鵝髀勁大隻！燒鵝味道非常正，有濃濃嘅炭燒味，非常特別、好味。燒鵝髀肉質鮮嫩，充滿鵝油香，鵝肉非常香滑美味。而且鵝肉非常多汁，好Juicy，鵝味滲透飯粒，令個飯都更加之好味。另外，伴碟仲跟咗啲蔬菜～例牌叉燒 $88另外，我同朋友都試咗佢哋嘅招牌叉燒。叉燒半肥瘦，質感非常好。叉燒肉質鬆化同軟腍。肥膏位充滿油脂感，香噴噴。另外，叉燒佈滿蜜汁，甜甜地，表面燒得朝朝地，帶點脆身，非常美味。凍奶茶 +$7跟餐凍飲熱飲都係加$10。凍奶茶茶底香濃，茶同奶嘅比例剛剛好。凍檸茶 +$7凍檸茶有好多片檸檬！紅茶茶底本來都已經調配得好好。