影片
更多
2009-04-08
50 瀏覽
(有相) 好唔好食又睇落去 268 回: 味道持續尋底@TUTTO By Habitu!http://hk.myblog.yahoo.com/goodboy_philip/article?mid=33404第三次去 Habitu "細妹" TUTTO 度食, 第一次去覺得好好食; 第二次去期望覺得退步左, 今次第三次去又回點呢? 又可能食完今次會再去食, 亦可能唔會再有下次! 好唔好食? 又睇落去? 回顧第一次食, 每一味菜都唔錯! 好唔好食又睇落去 215 回: 沙田新城市廣場 TUTTO 第一次之一矢中的!煙三文魚露荀意粉: "好水", 不過白酒加 cream, 一矢中哂我個心!紫蘇煙肉焗鮮帶子: 煙肉已經好香, 包住粒帶子更加引 C 人! 油係多左 D, 不過好惹味, LAM LAM 脷! 南部漁港: 配料有蕃茄, 青口, 墨魚, 蝦, 當然仲有芝士! 第一次食 TUTTO 好滿意!第二次: 好唔好食又睇落去 208 回: TUTTO 第一次食同第二次食既分別!焗左廿分鐘, 外層係芝士, 中間係意粉, 個底係酥皮, 料有魚, 魷魚, 都幾香架, 意粉水份無焗走到, 睇外表好似好
http://hk.myblog.yahoo.com/goodboy_philip/article?mid=33404
第三次去 Habitu "細妹" TUTTO 度食, 第一次去覺得好好食; 第二次去期望覺得退步左, 今次第三次去又回點呢? 又可能食完今次會再去食, 亦可能唔會再有下次! 好唔好食? 又睇落去?
回顧第一次食, 每一味菜都唔錯! 好唔好食又睇落去 215 回: 沙田新城市廣場 TUTTO 第一次之一矢中的!
煙三文魚露荀意粉: "好水", 不過白酒加 cream, 一矢中哂我個心!
紫蘇煙肉焗鮮帶子: 煙肉已經好香, 包住粒帶子更加引 C 人! 油係多左 D, 不過好惹味, LAM LAM 脷!
南部漁港: 配料有蕃茄, 青口, 墨魚, 蝦, 當然仲有芝士! 第一次食 TUTTO 好滿意!
第二次: 好唔好食又睇落去 208 回: TUTTO 第一次食同第二次食既分別!
焗左廿分鐘, 外層係芝士, 中間係意粉, 個底係酥皮, 料有魚, 魷魚, 都幾香架, 意粉水份無焗走到, 睇外表好似好好食, 不過原來整體味道好普通呢...我消滅3/4 碟, 都係鐘意食上次既煙三文魚鮮蝦露荀意粉多 d!
第二次試食其野, 可能期望過大...味道好似退步左!
再黎第三次
TUTTO 地址: 沙田新城市廣場一期1樓105號舖
菠菜蠔煎蛋 PIZZA: 個批皮薄夠脆, 刺穿蛋黃僻走蠔的腥味, 當作小食也不錯!
PIZZA 上既蠔仔表面上好乾, 實際上蠔肉仍然很濕潤鮮甜。
煙三文魚露荀意粉: 意粉同三文魚同蝦都無問題, 不過欠缺調味, 只係將三樣野混埋一齊...完全唔好味!
焗肉醬千層麵: 上枱時 "支支" 聲熱辣辣, 芝士味道很香濃, 切開一半睇下?
麵與麵之間夾著肉醬, 幾好撈架!
又唔記得個名, 不如叫佢做火炎雪山啦! 兩個甜品同時上枱, 友人 L 同我既目光都係落0係個心太軟碟上!
心太軟: 上枱傳黎又濃烈朱古力味, 聞到小小燒焦味...
焗得熟左 D , 因為外層的朱古力已經乾同幾厚了, 要用力去拮"穿佢, 不過我對甜品無咩要求, 只要裡面係又軟又甜既, 又唔係大問題, 因為食完甜野點都會心情好呢! 二人埋單四百。
環境: 3 (雖然佈置簡單, 不過傾計唔錯呀!)
衛生: 3 (正常)
服務: 2.5 (REMIND 左一次先有 "檸檬" 到手。個 WAITER 竟然話: "吖! 係! 唔記得左!" 真係攪笑!)
設計: 3(menu 清楚易睇!)
味道: 2.5 (今次都係兩粒半, 不過同第一次食相比真係完全唔同哂, 一次比一次退步...)
價錢: 2.5 (宜家海潚時期, 減半粒星! haha...)
最終評分: (2.5) 第一次同第二次既分別在於期待, 第一次食好味, 第二次跌 watt, 第三次味道持續尋底! 好多人覺得 Habitu 好味, 所以對呢間姐妹店 Tutto 有所期待, 其實我覺得 Habitu 無呢間咁好食! 等我遲 d 搵番 Habitu d 相出黎寫個 "好唔好食? 又睇落去?" 啦?
---
TUTTO, HABITU, 沙田, 新城市廣場, 好唔好食, 又睇落去, 日本, 好孩子
張貼
