香港永年車仔麵茶冰廳

營業中

休息中

住咗沙田咁多年，成日喺新城市都唔知道有咩好食！最近俾我發現到原來有間咁正嘅餐廳！今日嚟食都要大排長龍🙈🙈🙈我哋叫咗一個F餐，永年招牌車仔麵，男神麵❤️❤️❤️入面有牛丸牛腩牛柏葉等等餸菜，大大碗好正！特別要講嘅，就係佢嘅蘿蔔真係好好食呀❤️❤️❤️非常入味！真係冇得頂！另外，佢個湯底嘅辣到你可以自己選擇既！❤️❤️👍🏼因為好想試多幾款餸菜，所以我就加咗魷魚枝竹球炸魚皮！我想話，枝竹球真係無得輸！呢個餐有菜有小食，我哋就叫咗個腐乳通菜、煎釀三寶、紅油萵筍❤️❤️❤️❤️配埋一支樽仔烏龍茶❤️❤️❤️朋友就叫咗個下午茶嘅菠蘿包餐，沙嗲牛肉滑蛋菠蘿包❤️❤️❤️❤️好夾好好味一定要試！懷舊蝦多士，呢一個係小食嚟嘅，大大嚿蝦膠，絕不兒戲！我哋都叫咗個甜品土炮大茶飯，入面即係原味雞蛋仔 開心果糖花生糖 龍鬚糖 雞蛋餅 花生酥蛋捲 花生碎 馬仔 花生醬 煉奶 雲呢拿雪糕❤️❤️❤️❤️係一個好有創意嘅甜品！最後我哋都飲返樽仔黑牛，影相一流呀❤️❤️❤️❤️入面有一支朱古力雪條，加埋支可樂 未試過嘅都係試一試😂😂