陳根記 (已搬遷) 新店位置

朋友相約陳根記，個名聽就聽得多，我自己就第一次食。先講下個第一印象，賣少見少既大排檔，仲要係地方乾淨，好少見。食物方面，3個女仔叫左鵝片同埋沙拉骨，加多3碗白飯。鵝片水準唔錯，好入味，肉質都幾嫰口，不過我就嫌佢無豆腐配菜，好似差咁d野咁。另外個沙拉骨就一般般，個醬酸酸甜甜，幾開胃，但係肉質就硬左少少，可能係炸得耐左。3個女仔食少少就已經飽，2個餸加3個飯，埋單都差不多2xx蚊，價錢都算適當既。不過啤酒就要自己去隔離士多買，雖然唔遠，但係都有d唔方便。整體黎講呢間陳根記既第一印象都算唔錯，一定要有下次既。