河畔強記雞粥海鮮酒家 (已結業)

揸住架車，係沙田區夜晚最好就係去河畔果個大圈果度泊車食飯，其實都好少抄牌。到左之後等左幾分鐘，店員就安排左我地入坐啦。睇到餐牌，野食都唔貴，我地一行五人就決定叫一個三寶，三碗粥，三隻乳鴿同埋一碟炒油墨菜，三寶我地就叫左清酒浸大蜆，炒蟹同埋西蘭花帶子花姿！上菜啦，見到佢地價錢平但係其實都幾大碟，蜆肉好足料，蟹係足一隻，而且重有好多膏！雞粥就同預期差不多啦，最讚就係隻乳鴿，真係好好好好食，夠大隻， 好夠味，佢唔會太咸但係就好有鴿味，食到我地停唔到口，好想加單時但係店員話已經無晒啦，唯有下次再黎回味啦！不過如果黎就奉勸大家要早少少黎，因為其實佢地本身每日有一個特價品，今日就係五蚊一兩蝦，但係都係因為遲左賣晒啦！