影片
更多
2018-03-02
4573 瀏覽
自己同身邊朋友都踏入適婚年齡，所以近期不停收到炸彈XD 除咗有朋友訂定今年5月喺Clubone時尚康山擺酒之外，我喺1月尾亦去咗沙田萬濤飲舊同事果餐。我都係第一次喺Clubone飲，原來侍應係會幫忙分餸的，因為我果檯我只認識4-5位前同事，有人分埋餸就食得冇咁尷尬啦~鴻運脆皮乳豬第一味例牌係乳豬，皮夠脆但有少少肥，每人分咗兩件之後仲有幾件剩低，夠食有餘啦。 野菌泡蝦球野菌就唔係好多，反而似甜豆炒蝦球先係主角，蝦球大隻又爽口，而且味道清淡唔會以濃醬汁為主，有時好怕去飲每個菜都加XO醬。甜豆雖然同荷蘭豆好似樣，但甜豆嘅豆莢會比荷蘭豆肥厚D，味道又甜甜地。 百花海皇卷外皮炸到鬆脆又夠熱，我一向都鍾意食海皇卷，咬開中間有好多菠蘿酸酸地十分開胃。本來都希望有人唔食炸野，我就可以分多件，可惜個個都食晒XD 珊瑚扒翡翠原本以為係珊瑚蚌炒西芹之類的物體，原來係蟹肉扒菠菜就真。白色醬汁落咗好多蟹肉去煮，食到啖啖蟹肉嫁！而且菠菜個莖係中空狀態，所以更易吸汁！ 雲腿雞絲燴花膠去飲我一向都不太熱衷於食翅，用花膠仲好過魚翅啦，環保又養顏。唔好以為金華火腰絲就咁放面會唔入味，雲腿甘香味其實10級濃郁撲鼻~ 清蒸海
我都係第一次喺Clubone飲，原來侍應係會幫忙分餸的，因為我果檯我只認識4-5位前同事，有人分埋餸就食得冇咁尷尬啦~
鴻運脆皮乳豬
第一味例牌係乳豬，皮夠脆但有少少肥，每人分咗兩件之後仲有幾件剩低，夠食有餘啦。
鴻運脆皮乳豬
30 瀏覽
0 讚好
0 留言
野菌泡蝦球
野菌就唔係好多，反而似甜豆炒蝦球先係主角，蝦球大隻又爽口，而且味道清淡唔會以濃醬汁為主，有時好怕去飲每個菜都加XO醬。甜豆雖然同荷蘭豆好似樣，但甜豆嘅豆莢會比荷蘭豆肥厚D，味道又甜甜地。
野菌泡蝦球
32 瀏覽
0 讚好
0 留言
百花海皇卷
外皮炸到鬆脆又夠熱，我一向都鍾意食海皇卷，咬開中間有好多菠蘿酸酸地十分開胃。本來都希望有人唔食炸野，我就可以分多件，可惜個個都食晒XD
百花海皇卷
42 瀏覽
0 讚好
0 留言
珊瑚扒翡翠
原本以為係珊瑚蚌炒西芹之類的物體，原來係蟹肉扒菠菜就真。白色醬汁落咗好多蟹肉去煮，食到啖啖蟹肉嫁！而且菠菜個莖係中空狀態，所以更易吸汁！
珊瑚扒翡翠
27 瀏覽
0 讚好
0 留言
雲腿雞絲燴花膠
去飲我一向都不太熱衷於食翅，用花膠仲好過魚翅啦，環保又養顏。唔好以為金華火腰絲就咁放面會唔入味，雲腿甘香味其實10級濃郁撲鼻~
雲腿雞絲燴花膠
35 瀏覽
0 讚好
0 留言
清蒸海石斑
平日我都唔係太鍾意食魚，唯獨是去飲可以食到嘅海斑例外~ 好幸運我分到魚背多肉又冇骨嘅部份，夾埋大棵蔥段一齊食真係滋味無窮~
清蒸海石斑
25 瀏覽
0 讚好
0 留言
翡翠蠔皇鮑片
終於食到一個較為濃味嘅菜式，蠔皇鮑片向來是個天仙配，但底下的生菜卻真正令我一試難忘。印象中我只有喺國內先可以食到爽甜嘅生菜，無諗到生菜雖然唔係呢味餸嘅主角，偏偏比主角更突出，一咬爽脆又清甜。
翡翠蠔皇鮑片
24 瀏覽
0 讚好
0 留言
脆皮吊燒雞
呢一味我之前同屋企人喺尖東薈ClubOne食過，同上次一樣咁好食~ 外皮經油泡後極度酥脆，但食落一啲都唔覺得油膩，隻雞本身脂肪唔多所以唔洗怕食到成口油。師傅醃雞嘅味道比例亦調較得宜，因為過多鹽份會令到肉質太結實，而家少少鹹味就唔會掩蓋雞隻自身嘅肉香了~
脆皮吊燒雞
24 瀏覽
0 讚好
0 留言
砂窩雞絲飯
食到呢刻已經有7成飽，平時飲宴中嘅炒飯 &伊麵我通常都只會二選一，但眼見今餐炒飯及伊麵賣相都非常誘人，所以兩樣都食晒~ 雞絲飯粒粒分明夠乾身，食落覺得幾夠鑊氣。
砂窩雞絲飯
29 瀏覽
0 讚好
0 留言
龍芽花菇炆伊麵
伊麵同樣出色，面頭大花菇肉厚又炆得夠入味，咬落好Juicy~~
龍芽花菇炆伊麵
23 瀏覽
0 讚好
0 留言
意式泡芙酥 + 蓮子百合紅豆糕
好有心思嘅甜品，終於唔洗食紅豆沙同西米露~ 紅豆糕咬開中間有爽口百合，如果可以俾我食多十舊八舊就更好了。
蓮子百合紅豆糕
44 瀏覽
0 讚好
0 留言
意式泡芙酥
36 瀏覽
0 讚好
0 留言
終於有機會食到Clubone婚宴菜，冇諗到Clubone一向都以裝修靚而聞名，而原來金玉其外，內在嘅食物質素亦相當有水準~ 雖然廚師功力係先決條件，但都要靠侍應們夠眼明手快，先可以keep到每味餸都咁新鮮熱辣嘅~ 在此祝賀一對新人佳偶天成，甜甜蜜蜜！
張貼
