和氣食堂 (河畔花園)

營業中

休息中

Boxing day 無嘢做，去了花園城的和氣食堂食日本料理，夜晚都算多人，等了大約三十分鐘有位。坐位間隔普通，尚算企理，有點傳統日本食堂嘅感覺。鋪頭採用QR code點菜，唔會落錯單。今晚點了韓式豚肉石頭飯、黑松露帶子卷物、黑松露左口魚壽司、芝士三文魚壽司、芝士同蒜蓉燒廣島壕、燒雞翼、芝士燒大肉菇同串燒牛舌。先講豚肉石頭飯，唔係太熱，食落啲飯淋咗少少，豚肉味道普通。帶子卷物幾香，但中層塊紫菜有點硬。左口魚壽司同三文魚壽司就幾香口。廣覺壕方面就蒜蓉較芝士出色，味道較香濃。燒雞翼好香，同夠熱夠脆。芝士燒大肉菇好正，味道好香，隻菇好濃味，好多汁。牛舌唔算太香，咬落仲有點硬，較為失色。全部咁多加埋都係四百幾蚊，算經濟抵食，可以再去。