影片
更多
2013-02-03
69 瀏覽
女友人VL約我o係31-1-2013(Thur)同我食lunch,都係佢決定o係邊o度食,佢揀o左呢間同搵定位.我o黎到,已經有啲o野食o係o度:正常冇問題o既有:1-2.三文魚壽司, 加州小卷3. 辣味三文魚軍艦呢個冇上次o黎食時咁差,有返少少惹味o既辣.4. 玉子壽司啲飯都幾散,我夾起蘸o左wasabi豉油放o係碟o度,啲飯都開始跌,我唯有將佢反轉,用玉子盛住啲飯o黎食.講返味道,玉子唔太甜o既.5. 大學芋其實都凍晒,而同上次一樣,蕃薯乾晒水,麻麻.6. 蒲燒鰻魚壽司一包自然落o既鰻魚汁得好少,呢個都係正常啦.之後我點o左:8. 墨魚壽司2碟原來VL唔食墨魚,咁呢四件由我食晒,墨魚其實都唔係濃郁,一般.9. 甜蝦壽司2碟出奇地每件都有3隻甜蝦,正.可惜VL又唔食生蝦,呢四件又係我食晒.甜蝦都算鮮,冇問題.10. 北寄貝壽司2碟上面兩樣VL都唔食,所以呢兩件畀佢食返晒,我冇食到.以上其實係我寫錯o左,數量寫o左2,好彩o黎o既時間侍應話重有一碟北寄貝壽司整o緊,我即刻話要cancel一碟,係我寫錯.7. 炙燒蔥牛肉壽司睇見件牛肉好似好大件咁,其實係薄切,質感有啲偏腍,而雖然黑椒唔係
我o黎到,已經有啲o野食o係o度:
正常冇問題o既有:
1-2.三文魚壽司, 加州小卷
3. 辣味三文魚軍艦
呢個冇上次o黎食時咁差,有返少少惹味o既辣.
4. 玉子壽司
啲飯都幾散,我夾起蘸o左wasabi豉油放o係碟o度,啲飯都開始跌,我唯有將佢反轉,用玉子盛住啲飯o黎食.
講返味道,玉子唔太甜o既.
5. 大學芋
其實都凍晒,而同上次一樣,蕃薯乾晒水,麻麻.6. 蒲燒鰻魚壽司
一包自然落o既鰻魚汁得好少,呢個都係正常啦.
之後我點o左:8. 墨魚壽司2碟
原來VL唔食墨魚,咁呢四件由我食晒,墨魚其實都唔係濃郁,一般.
9. 甜蝦壽司2碟
出奇地每件都有3隻甜蝦,正.可惜VL又唔食生蝦,呢四件又係我食晒.甜蝦都算鮮,冇問題.
10. 北寄貝壽司2碟
上面兩樣VL都唔食,所以呢兩件畀佢食返晒,我冇食到.
以上其實係我寫錯o左,數量寫o左2,好彩o黎o既時間侍應話重有一碟北寄貝壽司整o緊,我即刻話要cancel一碟,係我寫錯.7. 炙燒蔥牛肉壽司
睇見件牛肉好似好大件咁,其實係薄切,質感有啲偏腍,而雖然黑椒唔係咁多但都辣.11. 元氣卷
呢個冇介紹卷住啲咩o野,我就食到有脆口o野,VL話係軟殼蟹,而成件被青瓜味蓋過晒.服務:
呢日好多人,每位侍應都好忙但仍有禮,而VL就叫侍應將成壺水擺低畀我o地自己斟.
呢餐埋單$231.00
上次食評: http://www.openrice.com/restaurant/commentdetail.htm?commentid=2273064
張貼
