薯仔屋電影餐廳

營業中

休息中

今日又去咗柴灣，諗住去睇番塲戲，點知全部舊片。仲唔可以入塲食嘢，所以去隔離薯仔屋嘆完先入塲。餐廳開陽又望住公園，感覺舒泰環境又乾淨。價錢非常實惠，不過要自己去落單先，之後有服務員送餐，去叫咗個大蝦帶子扁意粉，加$5仲有沙律蒜蓉包。蒜蓉包熱辣辣好好味，沙律係雜果薯仔沙律也不錯，估唔到個扁意粉都好有水準。香煎大蝦，大蝦煎得恰到好處。扁意粉軟硬度都啱啱好。朋友就叫咗個牛柳串燒，佢都話好正冇介紹錯，喺柴灣有呢啲水準嘅餐廳仲要咁平真係要多啲去。