影片
更多
2013-08-13
17 瀏覽
近來食左好多野，但都未寫得閒食評...依家逐一補番...一直覺得Spade by Lassana嘅多士盒好令，俾佢個靚樣引到流哂口水適逢我就來生日，就同朋友一聚，順便慶祝一下^^我地一行人叫左個Spade Deluxe，即係心太軟TOAST!你都見la!係咪好令呢?呢個Spade Deluxe($108):佢真係好睇又好食!!呢個多士盒最底係三塊多士麵包-烤得好脆;三塊多士麵包中間係空心嘅，但中間會放入已經切好嘅蜜糖麵包粒-麵包粒有好濃嘅蜜糖味，麵包粒亦烤過，甜甜嘅脆脆嘅，好好食最面頭放上芝麻雪糕-食落好重芝麻味(味道太濃，個人唔係咁鍾意)丶雲呢拿雪糕-食到香濃嘅牛奶味，而且甜度適中丶朱古力雪糕-食落係比較甜，朱古力味好濃，係三隻之中最好食嘅雪糕丶心太軟-焗得幾好，個皮脆身，裏面係軟心，不過就唔係太流心，但味道係好唔錯丶Cream-正正常常，冇乜特別丶再加上一塊蝴蝶酥-咬落硬過鬼，唔好食:'(丶兩條朱古力蛋卷-都幾脆，而且有幾濃朱古力味，不過不失丶士多啤梨做裝飾-太細粒，又唔甜，好一般...將暖暖嘅Toast沾D凍冰冰嘅雪糕，哇!口感同層次都好正!仲有，我地五個人食哂都唔覺得濟:
近來食左好多野，但都未寫得閒食評...依家逐一補番...
一直覺得Spade by Lassana嘅多士盒好令，俾佢個靚樣引到流哂口水適逢我就來生日，就同朋友一聚，順便慶祝一下^^
我地一行人叫左個Spade Deluxe，即係心太軟TOAST!
你都見la!係咪好令呢?
呢個Spade Deluxe($108):[9.5/10分]佢真係好睇又好食!!
呢個多士盒最底係三塊多士麵包-烤得好脆;三塊多士麵包中間係空心嘅，但中間會放入已經切好嘅蜜糖麵包粒-麵包粒有好濃嘅蜜糖味，麵包粒亦烤過，甜甜嘅脆脆嘅，好好食最面頭放上芝麻雪糕-食落好重芝麻味(味道太濃，個人唔係咁鍾意)丶雲呢拿雪糕-食到香濃嘅牛奶味，而且甜度適中丶朱古力雪糕-食落係比較甜，朱古力味好濃，係三隻之中最好食嘅雪糕丶心太軟-焗得幾好，個皮脆身，裏面係軟心，不過就唔係太流心，但味道係好唔錯丶Cream-正正常常，冇乜特別丶再加上一塊蝴蝶酥-咬落硬過鬼，唔好食:'(丶兩條朱古力蛋卷-都幾脆，而且有幾濃朱古力味，不過不失丶士多啤梨做裝飾-太細粒，又唔甜，好一般...
將暖暖嘅Toast沾D凍冰冰嘅雪糕，哇!口感同層次都好正!仲有，我地五個人食哂都唔覺得濟:>我地一班人都覺得好好味，一定會有下次，要再來幫襯!
個人覺得，同茶木比較起來，Spade by Lassana嘅價錢係貴左D，但多士盒係好味好多!首先雪糕唔會溶哂先...而且麵包質地又唔同...Spade by Lassana用Danish Toast，麵包烤得香脆，更塗上蜜糖，令正體感覺更出色!另外，茶木嘅配料多數係生果組合，Spade by Lassana就多啲花款-會用朱古力丶Brownies丶Oreo...
食多士盒，不防去Spade by Lassana!
張貼
