馬辣台式鴛鴦火鍋 (創興廣場)

營業中

休息中

每次同朋友仔講去台北，大家都會話要食馬辣，彷彿馬辣=台北，宜家唔洗再飛去打邊爐，近近地放左工就可以大飽口福喇！價格親民，我地趕得切放工趕來，避過人潮。一入去就見到大大架超吸睛列車，就係靠佢載住我地既美食喇！由於時間尚早，放工既人潮未到，等我地打到一半去添野食時，場內已經坐無虛席嚕！場內裝修同坐位都令人感覺好舒服，一啲都唔迫！食物櫃既火鍋食材款款新鮮，丸類選擇十分多，我最推介相中右下角兩款餃子，因為我係睇住師傅現場包嫁，多汁好味！打邊爐除左食材重要之外，我話醬料都極重要，我最愛炸蒜，試過去到火鍋鋪無炸蒜，我戰鬥力都會大減呀。馬辣提供超多種醬料，包你搵到你想要既味道呀。除左有罐裝飲品提供之外，仲有咖啡同花茶，我比較鍾意食飽後飲杯花茶，消消滯。牛肉每款都各有特式，切得薄薄一片，口感鬆軟，有肉味。除左自行出去列車取食材之外，仲有肉同海鮮都以紙點單，但上菜極快，唔洗擔心！最欣賞馬辣既細心，盛載肉類既器具邊上有相應顏色做記號，我試過無數次出外打邊爐連店員都分唔到肉既種類，搞到食極都食唔到想食既肉。湯底配合各式配料濃度剛好，不會太油膩或太咸。甜品除左各式雪糕雪條外，仲有焦糖燉蛋，唔洗再去食糖水。