更多
2023-12-11
134 瀏覽
當然不敢自稱邊爐達人,但對於成日打邊爐嘅人嚟講,對邊爐的性價比都叫做有D心得。今次係第一次食馬祖,因為好難book,難得有位就去試下,好喇,總結係:唔算好抵食…嗱!我無話唔好食呀!😂嗰日book咗7點半,但我哋早到咗,好可惜無得提早入去食…佢話兩人枱未有吉枱喎,無計,唯有等有枱。好喇,終於有得食,至於揀咗咩餐?我哋對牛肉都有D要求,覺得揀正價時段收$508呢個應該差不多了。餐前小食有碟薯條…?但呢D飽飽滯滯嘅嘢就無謂喇… 😅講返湯底,種類選擇係多嘅,平時食開嘅都有…我哋揀咗蟲草花膠,都算足料,打邊爐前飲啖湯先,係正嘅~ 😍到重點的牛肉喇…好彩唔係燈影牛肉,肉質係唔錯…比家嫂都仲要好!我哋都encore咗幾round… 😍另外,我其實好鍾意食蝦,但好可惜好可惜今次D蝦好唔新鮮(個menu仲夠膽自稱「生猛海蝦」真係好諷刺 😓),烚完隻蝦淋pat pat(人哋新鮮嘅蝦嘅肉係實的的架嘛!),我以為一兩隻先係咁,點知叫咗幾round都係好唔新鮮…富盈D蝦都新鮮過你…呢個係最大的敗筆!😓總括嚟講,menu簡單,嘢食選擇唔多,但整體好食—D牛肉好食 😋,D丸好食 😋 …除咗D蝦!嘢飲選擇唔多,服
今次係第一次食馬祖,因為好難book,難得有位就去試下,好喇,總結係:唔算好抵食…嗱!我無話唔好食呀!😂
嗰日book咗7點半,但我哋早到咗,好可惜無得提早入去食…佢話兩人枱未有吉枱喎,無計,唯有等有枱。
好喇,終於有得食,至於揀咗咩餐?我哋對牛肉都有D要求,覺得揀正價時段收$508呢個應該差不多了。
餐前小食有碟薯條…?但呢D飽飽滯滯嘅嘢就無謂喇… 😅
講返湯底,種類選擇係多嘅,平時食開嘅都有…我哋揀咗蟲草花膠,都算足料,打邊爐前飲啖湯先,係正嘅~ 😍
到重點的牛肉喇…好彩唔係燈影牛肉,肉質係唔錯…比家嫂都仲要好!我哋都encore咗幾round… 😍
另外,我其實好鍾意食蝦,但好可惜好可惜今次D蝦好唔新鮮(個menu仲夠膽自稱「生猛海蝦」真係好諷刺 😓),烚完隻蝦淋pat pat(人哋新鮮嘅蝦嘅肉係實的的架嘛!),我以為一兩隻先係咁,點知叫咗幾round都係好唔新鮮…富盈D蝦都新鮮過你…呢個係最大的敗筆!😓
總括嚟講,menu簡單,嘢食選擇唔多,但整體好食—D牛肉好食 😋,D丸好食 😋 …除咗D蝦!嘢飲選擇唔多,服務一般般。
兩個人埋單差不多成$1,200…就唔太抵囉。🤤
28 瀏覽
0 讚好
0 留言
張貼