辛安東元祖奶奶雞 (已結業)

本來同個朋友仔只係為左食甜品 行過見到有間韓國餐廳 門口好特別 掛左好多雞仔形狀既牌 所以入去試下！兩個人叫左個豚肉，雞翼，海鮮煎餅，生菜包同叫左條鰻魚。雞翼有四隻 真係好大隻而且辣辣地幾惹味！海鮮煎餅個面幾脆上面又有沙律醬點綴唔錯。鰻魚幾大條 可以剪適合自己既大小 加上泡菜用生菜包住黎食 都吾錯！覺得最好食係個豚肉 豚肉切成薄片 加上辣辣地醬汁 要食果陣就連埋旁邊既蔥一齊食 真係想再叫多一碟！！