影片
更多
2015-11-28
2968 瀏覽
提早了一點下班，先跟朋友到旺角金魚街一帶的寵物店逛逛，之後再去花園街尋寶，打算吃完晚飯才回家。問友人可有心水餐廳推介？原來這個鬼靈精，早就已經在附近一家日本料理店《至尊滿屋》訂咗檯，打算同我去吃放題。又唔早響，等我連中午嗰餐都慳番，留肚勁吃吖嘛！餐廳座落於旺角瓊華中心 7 樓，印象中從沒來過這幢大廈覓食；不過記得早前曾看過報導，說瓊華中心是旺角「𡃁界」最愛的食廈，看來進駐這裡的餐廳，走的都是年輕人路線。先介紹一安吓這裡晚市放題的價錢，原來是分為兩個時段，頭輪由 6:00pm 食到 8:30pm，而第二個時段就由 8:45 pm 吃至 11:15pm，由入座起計，任食兩個半小時，比起一般任食 2 小時的放題，時間更長；而收費方面，就要視乎入座的日子及時間而定，以成人價為例，由 $228 至 $248 不等，另收加一服務費。安座後先第一時間翻出兩本夾滿放題紙的厚皮簿細看，一數，共有十四張，全部以不同顏色由 A 至 N 劃分，分別有刺身、壽司、空運活魚壽司、火炙壽司、創作壽司、小食、沙律、手卷/軍艦、卷物、炸物、燒物、主食、單品料理和甜品。至於飲品方面，就全部都是以自助形式供應，除了多款罐裝
餐廳座落於旺角瓊華中心 7 樓，印象中從沒來過這幢大廈覓食；不過記得早前曾看過報導，說瓊華中心是旺角「𡃁界」最愛的食廈，看來進駐這裡的餐廳，走的都是年輕人路線。
先介紹一安吓這裡晚市放題的價錢，原來是分為兩個時段，頭輪由 6:00pm 食到 8:30pm，而第二個時段就由 8:45 pm 吃至 11:15pm，由入座起計，任食兩個半小時，比起一般任食 2 小時的放題，時間更長；而收費方面，就要視乎入座的日子及時間而定，以成人價為例，由 $228 至 $248 不等，另收加一服務費。
安座後先第一時間翻出兩本夾滿放題紙的厚皮簿細看，一數，共有十四張，全部以不同顏色由 A 至 N 劃分，分別有刺身、壽司、空運活魚壽司、火炙壽司、創作壽司、小食、沙律、手卷/軍艦、卷物、炸物、燒物、主食、單品料理和甜品。
至於飲品方面，就全部都是以自助形式供應，除了多款罐裝、樽裝及紙盒裝飲品外，還有啤酒同熱茶等，選擇豐富。
先來兩客沙律打開胃口，點了黑松露鮮蝦沙律和牛油果海鮮沙律，前者黑松露鮮蝦沙律，蝦隻已開邊去殼，吃起來很爽口鮮甜，以旁邊黑松露醬伴吃，既芳香又惹味。至於後者牛油果海鮮沙律，牛油果夠 Creamy 又柔潤，味道不錯，惜分量較少，而且所謂海鮮，原來只得幾粒切得細碎的三文魚，食味當然不及黑松露鮮蝦咁正。
刺身方面，選擇非常豐富，包括有三文魚、鮮帶子、甜蝦、油甘魚、劍魚腩、希靈魚、日本玉子、鱆紅魚、赤貝、北寄貝同鮑魚片，不過二人怕胃納有限，驚點了又食唔曬，唔想做大嘥鬼，所以只揀了最愛吃的三文魚刺身和鮑魚片。兩款都好味，前者三文魚刺身入口新鮮肥美，而且切得勁厚身，口感一流；而後者薄切鮑片，入口柔韌得來又有嚼勁，水準亦不俗。
壽司方面，其實之前講放題紙時，已經約略提過，店裡除了有一般大路的壽司供應外，更設有多款空運活魚壽司，如金目鯛、蓮子鯛、池魚王，火炙壽司和春、夏、秋、冬四款創作壽司。不過由於想留肚吃炸物和燒物，所以只點了卷物中的火炙三文魚親子卷和香芒海鮮卷。經火炙後的三文魚，油脂更加甘香，配上入面的青瓜、紫菜和壽司飯吃，口感不俗；而香芒亦夠鮮甜滋味，配合頂頭彈牙的蟹籽粒，亦很開胃美味，值得一嘗。
炸物當然揀了我至愛的天婦羅蝦，估唔到咁有水準，外層炸衣看起來雖然說不上輕薄，但咬下蝦肉新鮮爽彈，而且鬆脆得來更一點也不油膩，不用蘸任何汁料吃，已經相當可口。蝦隻下面是蕃薯天婦羅，炸過的紫心蕃薯，入口香脆，惜蕃薯味唔夠濃郁！反而另點的炸紫心香芋丸，咬下不但外層香脆，連內裡的芋頭蓉，入口亦軟綿細滑，配上中間迷人的紫心蕃薯餡，更令人回味。
筆者向來愛吃雞翼，所以也點了一隻芝麻雞翼試試，雞翼炸至外皮金黃香脆，不過就略嫌芝麻下得唔夠重手，而且還連著雞翼尖，確實吃得有點狼狽。至於吉列炸帶子，帶子夠大粒，但吃起來無乜鮮味，水準一般。
燒物方面，見又有雞翼，而且今次用上鹽燒，當然亦老實不客氣，點兩隻試試。鹽燒雞翼，灑上幼鹽的雞翼，入口脆皮，加上肉質嫩滑得來唔乾身，鹹得惹味，的確是水準之作。至於友人點的鹽燒牛舌，質感幼嫩得來又完全不帶臊味，好有咬口，不用蘸醬已夠味美。
蒲燒鰻魚是必點之物，魚肉咬下鮮甜彈口，肉質食落更帶著陣陣鰻魚的脂香，只是欠了點即席炭燒的風味，但能在放題吃到如此水準，實屬難能可貴。焗廣島蠔向來不是我杯茶，但既然友人點了，也即管一嘗。來自日本的廣島蠔，雖然個子較細小，但經烤焗後，入口醬汁味道帶甜，拿起整隻滑入口，食味亦不俗。
見外面天氣咁凍，決定點鍋熱吃，齊齊分享，揀了這客雪花牛肉鍋，鍋物端上來時還冒著煙。撥開一看，嘩，用料非常豐富，除了有不少片入口嫩滑又富肉香的肥牛外，廚師還在鍋內放入了水晶粉、金菇、冬菇、豆腐和紹菜，加上面層賣相吸睛的窩蛋，實在非常好吃，值得推介。
甜品款式唔算好多，只得 7 款，但看起來賣相吸引，包括有小巧迷你，入口帶巧克力濃香的 Oreo 朱古力餅、藍莓芝士餅、夾雜了石板街雪糕、脆脆、杏仁片和棉花糖的石板街杯、野莓奶凍、酸甜交織的水蜜桃楊枝甘露、法式焦糖燉蛋、奇趣白朱古力餅，不過由於我倆已經好飽，所以只揀了其中 3 款品嘗，覺得水準唔錯，有樣又好味。
壓軸是幾飽都要吃的 Movenpick 雪糕，客人可自選口味，不過每人只限一杯，而且只得朱古力、士多啤梨同雲呢嗱夢幻三款味道可供選擇，但吃完已經足夠讓我樂上好半天。整體來說，這裡的食物，水準真的不俗，只是二百多元的價錢，就已經可以吃到如此質素的日式放題，的確是物有所值，加上服務還很不錯，侍應不但勤快有禮，而且完全無漏單，會推介給公司同事來吃。
張貼
