更多
2015-03-27
2594 瀏覽
講到旺角仲要話食放題大家一定會諗起好多間唔同的鋪頭無錯，旺角真係好多間日式放題同自助餐今次小弟就去左通菜街既呢一間(築地番本)基本上呢間野上到去係唔洗排隊同埋入到見到間野真係幾大下不過佢安排左我地坐近門口(明明入面好多位)入到去一坐低，間野第一句就問要唔要"星級"心諗咩料???原來係要"星級"就要加錢但會多左幾張紙仔俾你叫多幾樣野咁都係加五十蚊左右，咁就試下啦不過佢基本野都好多選擇食放題第一時間永遠都係叫下刺身先 =P最簡單每樣一件先，有三文魚、白肉拖羅、馬刀貝、希靈魚、大八爪魚、榮螺片、赤貝、甜蝦、冰山貝老老實實有D 都唔知咩黎 ...聽都未聽過但最緊要自己食個幾樣知係咩就得啦 (哈哈)刺身黎講算OK，唔會話未解凍，入口有冰而且食入口都食到應有既味道，係有少少淡另外，理所當然咁叫埋升級既刺身食啦咁呢間野又幾過癮你俾多幾十蚊，碟野黎個陣都真係唔同D係靚仔左，同埋真係好食D碟野有赤蝦、北海道帶子、油甘魚、北寄貝(竟然要升級先有)隻赤蝦同帶子都好鮮、好正隻蝦身有D 起膠，幾好食另外兩樣都唔錯，不過一定係赤蝦同帶子正D因為之後再叫多左一、兩round除左刺身，都要叫D 前菜黎開下胃熱下身，話
大家一定會諗起好多間唔同的鋪頭
無錯，旺角真係好多間日式放題同自助餐
今次小弟就去左通菜街既呢一間(築地番本)
基本上呢間野上到去係唔洗排隊
同埋入到見到間野真係幾大下
不過佢安排左我地坐近門口(明明入面好多位)
入到去一坐低，間野第一句就問要唔要"星級"心諗咩料???原來係要"星級"就要加錢
但會多左幾張紙仔俾你叫多幾樣野
咁都係加五十蚊左右，咁就試下啦
不過佢基本野都好多選擇
食放題第一時間永遠都係叫下刺身先 =P
最簡單每樣一件先，有三文魚、白肉拖羅、馬刀貝、
希靈魚、大八爪魚、榮螺片、赤貝、甜蝦、冰山貝
老老實實有D 都唔知咩黎 ...聽都未聽過
但最緊要自己食個幾樣知係咩就得啦 (哈哈)
刺身黎講算OK，唔會話未解凍，入口有冰
而且食入口都食到應有既味道，係有少少淡
另外，理所當然咁叫埋升級既刺身食啦咁呢間野又幾過癮
你俾多幾十蚊，碟野黎個陣都真係唔同D
係靚仔左，同埋真係好食D
碟野有赤蝦、北海道帶子、油甘魚、北寄貝(竟然要升級先有)
隻赤蝦同帶子都好鮮、好正
隻蝦身有D 起膠，幾好食
另外兩樣都唔錯，不過一定係赤蝦同帶子正D
因為之後再叫多左一、兩round
除左刺身，都要叫D 前菜黎開下胃熱下身，話晒放題係要食多D 先回本(好似係)
咁就首先要左D 枝豆做下小食，但佢個D 好似無咩鹽係上面
入口會淡少少，雖然係健康D
另外要左辣味螺肉、意式黑松露帶子沙律、朝鮮八爪魚粒、和風珍味浸白蜆
同行既友人叫左件烤菠蘿黎開胃
前菜就普普通通，不過個人覺得家下咩都加黑松露有D 濫
另外，叫左佢D 創作卷物三色花之戀、香芒黃金大蝦卷、築地吞拿魚腩海膽卷、海鰻芝士卷
個三色花之戀就改得幾好，幾好食
唔至三文魚入口，伴其地刺身同配料又幾match
而且件野唔大，係一口份量，好食得黎又方便
另外個海鰻芝士卷都幾香，個芝士OK
不過築地吞拿魚腩海膽卷就差少少，食完有少少唔知食左咩...
另外個件無食，俾左人食，無咩comment 返黎，應該都OK掛
之後就開始食下炸物、燒物同其他熟食咁一開始就羅起升級menu睇睇
決定試下個蟹粥同忌廉青口
講左個忌廉青口先，其實個件野都唔係賣外型架啦
因為佢黎到個下碗野真係滿晒白色(自己幻想下)
不過入口個青口真係滿晒忌廉味，幾好食
我地自己就叫左三round
因為個殼大，一碗入面實際上唔太多
另外，個蟹粥就真係足料大大隻蟹加薑煮，米係綿
而且個粥底唔係水汪汪個D 真係靚
食入口係好香，係有衝動再叫多D 黎食
可惜，放題緊無理由咁樣食飽自己架 > <
不過真係好好食，呢個值得加錢升上去食
同時，都叫左D炸物呢到炸物都唔少選擇，叫左香芋丸、一口芝士豆腐、香炸棒棒餃子同日式炸芝士年糕
香芋丸就甜左少少，同埋唔夠芋頭香，不過個皮幾靚
一口芝士豆腐同日式炸芝士年糕就羅返晒分
炸得幾香，芝士都係好正(個人鍾意食芝士)
呢到另一個特色就係有: 梅酒 !!!呢樣其他鋪頭都無聽過(至少我未)
見到即刻叫左，再加D 燒魚片送酒
你話幾寫意 ^^
不過呢到另一得意野係竟然有
Yeo's 既野飲，呢個又係少見，有清涼爽俾你降火 lol
真係估你唔到
基本上環境乾淨，又唔洗等位上菜都無咩走單
不過坐位會有少少迫
總體上都可以回頭食下
個升級餐都抵食
張貼
