影片
更多
2017-03-14
956 瀏覽
每每去到茶餐廳，為咗滷脾同炸脾都可以煩惱好耐。但而家，炸理滷味可以一次過食晒！嗱~ 唔係講粗口，餐廳名係咁架~ 呢間係小食店，自助型式，外賣為主。要堂食，其實都只不過係企係度食咋。 炸理滷味，顧名思意係食炸嘢同滷嘢。當然，滷嘢會快啲食得，炸嘢呢，就要等耐少少，因為即叫即炸！ 叫咗杯柚子蜜梳打飲先~~ 炸理雞脾HK$25 大過我隻手掌！金黃色，熱辣辣上黎，而且唔無油淋淋，炸得好靚！ 因為啱啱炸起，聽得到炸完後的咋咋聲，食個時小心辣親個嘴仔啊。 切開後仲有雞油，可見仲係Juicy，唔會炸到干爭爭！ 其實，仲有個套餐，係炸脾或滷脾揀一款，就可以配「青檸話梅梳打」、「青檸柚子梳打」或「青檸荔枝梳打」。都只係HK$38，好抵食！ 滷味滷水雞脾HK$25 同樣係大過我手掌的大大大滷脾。好鬼香，可見滷水汁都落咗工夫！而且雞脾唔會好多肥膏，啱晒我口味！ 雞肉嫩滑，滷水汁入晒味。我都係愛滷脾多啲~~ 滷味大全HK$25 大全入面，包括了三款滷味：「滷大腸、滷鴨舌、滷雞腎」！ 我平時不食大腸，老公試咗，大讚勁入味！而且大腸唔會老，好食。鴨舌係必食之選，鴨舌入晒味之餘，仲要好
每每去到茶餐廳，為咗滷脾同炸脾都可以煩惱好耐。但而家，炸理滷味可以一次過食晒！嗱~ 唔係講粗口，餐廳名係咁架~
呢間係小食店，自助型式，外賣為主。要堂食，其實都只不過係企係度食咋。
炸理滷味，顧名思意係食炸嘢同滷嘢。當然，滷嘢會快啲食得，炸嘢呢，就要等耐少少，因為即叫即炸！
叫咗杯柚子蜜梳打飲先~~
炸理雞脾
HK$25
大過我隻手掌！金黃色，熱辣辣上黎，而且唔無油淋淋，炸得好靚！
因為啱啱炸起，聽得到炸完後的咋咋聲，食個時小心辣親個嘴仔啊。
切開後仲有雞油，可見仲係Juicy，唔會炸到干爭爭！
其實，仲有個套餐，係炸脾或滷脾揀一款，就可以配「青檸話梅梳打」、「青檸柚子梳打」或「青檸荔枝梳打」。都只係HK$38，好抵食！
滷味滷水雞脾
HK$25
同樣係大過我手掌的大大大滷脾。好鬼香，可見滷水汁都落咗工夫！而且雞脾唔會好多肥膏，啱晒我口味！
雞肉嫩滑，滷水汁入晒味。我都係愛滷脾多啲~~
滷味大全
HK$25
大全入面，包括了三款滷味：「滷大腸、滷鴨舌、滷雞腎」！
我平時不食大腸，老公試咗，大讚勁入味！而且大腸唔會老，好食。鴨舌係必食之選，鴨舌入晒味之餘，仲要好滑溜，一串唔會夠喉。而雞腎，同樣入味，最正係唔會過老，依然爽口。全部單串都係HK$9咋！
滷味雞翼尖
HK$18/份
雞翼尖係一份份咁賣。目測一份都有廿幾隻，好抵食。而且勁淋勁入味！買黎睇波送酒一流！
滷味滷肉撈丁
HK$28/份
除咗小食，仲有滷味類的飯面。呢個係有溫泉玉子加滷味肉的撈丁，玉子係加HK$8另外加的。要趁熱食，如果唔係會淋啲面架~
仲有溫泉玉子滷肉飯(HK$35)同滷味東坡肉飯(HK$28)添~~
炸理十串
HK$68
人多多，又想一次過試晒咁多款？可以試這個炸理十串！有齊十款炸物，當中包括：炸串和牛粒、炸串黑豚五花腩、炸串櫻花芥末腸、炸串午餐肉、炸串多春魚、炸串玉子、炸串翠玉瓜、炸串蓮藕、炸串粟米仔、炸串鮮冬菇。
本人最愛係炸串和牛粒、炸串黑豚五花腩。和牛粒仲係肉質嫩滑，而且喜歡其炸粉勁薄！
炸串紐西蘭特大咖啡菇
HK$22/隻
又係我至愛，大大隻的大啡菇，炸粉勁薄，加埋調味，十分惹味。而且十分JUICY~
炸一口三角芝士
HK$15/份
一份有五定六粒 (唔記得啦) 但呢個係必食之選。配返個醬，真係極品！
食的時候小心辣口，入面有芝士會流出黎架~~
成間店，最貴個十串都係HK$68，最平係HK$5有交易，都堅係好抵食！行過口痕，叫返幾串行住食又唔過份啊~~
張貼
