影片
更多
2009-04-26
7 瀏覽
好唔好食又睇落去 271 回: 加價都要食既叉燒包@人氣點心店添好運http://hk.myblog.yahoo.com/goodboy_philip/article?mid=33866呢牌 PAT PAT 坐住張凳既時間仲長過企0係度, 攪到腰酸背痛, 頂唔順走去搵中醫鐵打啪一啪! 啪完四點, TEA TIME 時間就梗係要醫肚, 諗下邊間食店平時食飯時間多人排隊, 趁 TEA TIME 唔使排先? 有喇! 近牌報紙雜誌勁捧既食點心專門店: 添好運! 事關呢間既老闆係米芝蓮三星級食店龍景軒既前點心部主管, 跳出黎自立門戶, 至於有無名大於實, 受過份吹捧? 好唔好食? 又睇落去? 地址 : 旺角廣華街2-20號翠園大廈二期地下8號舖哇! 四點鐘非繁忙時間去到都見到有十幾個客企0係門口等, 睇睇要等幾多張? 唔怕! 好孩子一丁過兩張枱眨眼就到啦! 眨眼...眨眼...眨眼...都要眨左三個字眼呀! 無辦法啦! 旺角寸金尺土, 呢間食店細細間! 結果用左 15 分鐘青春睇下門口既報紙雜誌介紹, 拎定張點心紙揀定野食 LOH! 入到去, 面食客老中青少都有, 有中學生, C 奶,
http://hk.myblog.yahoo.com/goodboy_philip/article?mid=33866
呢牌 PAT PAT 坐住張凳既時間仲長過企0係度, 攪到腰酸背痛, 頂唔順走去搵中醫鐵打啪一啪! 啪完四點, TEA TIME 時間就梗係要醫肚, 諗下邊間食店平時食飯時間多人排隊, 趁 TEA TIME 唔使排先? 有喇! 近牌報紙雜誌勁捧既食點心專門店: 添好運! 事關呢間既老闆係米芝蓮三星級食店龍景軒既前點心部主管, 跳出黎自立門戶, 至於有無名大於實, 受過份吹捧? 好唔好食? 又睇落去?
地址 : 旺角廣華街2-20號翠園大廈二期地下8號舖
哇! 四點鐘非繁忙時間去到都見到有十幾個客企0係門口等, 睇睇要等幾多張? 唔怕! 好孩子一丁過兩張枱眨眼就到啦! 眨眼...眨眼...眨眼...都要眨左三個字眼呀! 無辦法啦! 旺角寸金尺土, 呢間食店細細間! 結果用左 15 分鐘青春睇下門口既報紙雜誌介紹, 拎定張點心紙揀定野食 LOH! 入到去, 面食客老中青少都有, 有中學生, C 奶, 阿公, 年輕人, 原來人人都鍾意食點心!
哇! 睇下蒸籠散出既蒸氣? 所有點心都係即叫即蒸, 唔同點心要等五至十幾分鐘。
點心紙上有三十多款選擇, 而店內四大推介就有: 酥皮焗叉燒包, 潮州蒸粉果, 香滑馬拉糕, 臘味蘿蔔糕。
潮州蒸粉果: 食點心甚少食粉果, 因為每次食親都比 D 皮黏口, 又難趙...不過呢個皮好薄, 餡料細緻, 花生香脆, 馬蹄爽口, 係我食過最好味既粉果! 唔知食慣潮州粉果既潮州人點睇呢?
晶瑩鮮蝦餃: 永遠係我既至愛, 不過呢籠蝦餃飛開左好似就跳出黎, 唔通真係生蝦咁跳?
蝦餃 SIZE 細細粒大約 2.545288..CM 度啦! HAHAHA...裡面蝦多肉少, 咬下皮同蝦表裡分明, 更加唔會有流出肥豬肉既油!
陳皮牛肉球: 雖然牛肉味滿足唔到我呢個濃味怪, 不過同食開既"結實"牛肉相比, 呢度既牛肉易食得多!
鮮蝦燒賣王: 每一籠點心都係新鮮出籠! 新鮮熱辣! 同平時食既燒賣最大分別就係: 豬肉! 好多酒樓既豬肉 "DUET" 到肉碎咁, 呢度 D 豬肉就一小舊連埋蝦仔, 燒賣上加小冬菇粒同青豆裝飾, 靚哂?
酥皮焗叉燒包: 外層酥皮甜甜地, 乾身酥化唔油唔黏口, 香噴噴! 唔係講笑! 呢個質素加價我都肯食! 如果唔係每次 ORDER 要等成三個字, 一定會再嗌多碟! 唯一要挑剔既係內裡叉燒兩小塊, 可能正因為咁, 更加突出酥皮包既質感!
(惡攪圖) 睇下 EBI CHAN 蛯原"有"里食到津津有味! HAHA...另外咁0岩有記者做採訪 SET 緊場影相 (上圖右面)!
茶錢兩元唔使加一, 埋單六十幾元。暫時唔夠人手做外賣所以無外賣。
環境: 1.5 (食店細細間皆因旺角寸金尺土, 轉個身都好難! 見到某侍應拎茶時 D 水彈到客人!)
衛生: 2 (建議將紅 A 膠桶收埋食客見唔到既地方)
服務: 3 (店內侍應勤快加茶收籠速度好快; 建議門口收銀及安排等位既阿姐可以比 D 笑容同安撫門口客人。)
設計: 1.5 (店內裝修, Menu 設計接近零。)
味道: 3 (點心整體好味好滿意! 睇埋價錢?)
價錢: 3 (以呢個價錢食名氣同食味道非常合理! 就算叉燒包加價我都會食! )
最終評分: 3 添好運仲有古法糯米雞, 馬拉糕, 雞扎, 蒸飯, 腸粉...未試過, 下次非繁忙時間經過旺角會再去食!
添好運,添好運點心專門店,點心,米芝蓮,龍景軒,三星,米芝蓮三星,好孩子,日本
張貼
