料理男拉麵品牌 (已結業)

去女人街買完野後，經過料理男，大約料理男剛開張冇耐食過，果陣的食物都好抵食。今次再去食，見到menu同佢名都都轉埋。宜家叫料理男拉麵品牌。嘩，岩晒我啦，我最鍾意食麵啦^^入到去，原來佢全部餐單lunch$35。我地4個分別叫左豚男拉麵2碗，九州黑蒜拉麵，同埋侍應介紹嘅海男櫻蝦拉麵，佢話獨家品牌味道w.又唔使加錢，梗係試下啦.豚男拉麵，個湯都好濃嘅豬骨味，有d蔥花，味道剛好，又唔會好咸，食完個唇到"痴"好似好有膠質咁，d湯都有d"膠膠地咁，好似好足料咁。拉麵有4片叉燒，都ok.但唔算好"淋"!正咁嘅拉麵湯$35好抵食，我諗出面都有$60~90，佢menu$45，lunch先可以咁平。佢嘅黑蒜拉麵味道似我豚骨湯，但多左黑蒜的層次感，不錯的湯底，有埋2片叉燒同釀雞亦。之後個海男櫻蝦豚骨拉麵，一放落枱面，已聞到蝦味，又真係好濃郁嘅蝦湯，都好特別，出面大多數係豬骨湯，個老闆都好有心去研制湯底，不過蝦湯有d油，但好有味道。中間有2隻蝦，同其他配料。其實佢仲有好幾款湯架。我地別外叫左2個小食，只加$12，吉列豬扒，雞亦。