愛爾蘭瘋薯 (已結業)

一直想去試，估唔到可以失望到咁。都知係貴同唔值，但諗住點都試一次。叫咗兜芝士薯條加汽水任飲，等大約兩個字，睇住叫同一樣嘢嘅numbers過咗兩個至輪返到我，覺得十分奇怪，加上喺巷仔等又多人又焗，真係攞膽。出食物時工作人員嗌破喉嚨，真係陰公，咪都唔俾支，呢個老闆完全唔理職安健。啲芝士好鹹，薯條完全冇味，應該都係靠配料啲味。啲芝士迅速乾晒，一pat 嘢咁，點都點唔到嚟食，喺底啲薯條亦變成一餅嘢，啲薯條亦做唔到外脆內軟，只係得個淋字。結果食唔晒掉咗。雖然知道唔應該攞嚟比，不過都係outback啲cheese fries好食好多…應該唔會再俾機會佢。