更多
2019-03-24
21 瀏覽
天氣開始熱,又係時候食下刺身、壽司。今日朋友帶咗我嚟食呢間日本放題。呢間日本餐廳非常近朗豪坊,平日中午來,唔算特別多人。一入到餐廳,就見到充滿嘢飲同雪糕嘅雪櫃,都係任飲任食嘅。一坐低就梗係飛快咁叫晒啲刺身試試先啦。刺身種類都唔少,有帶子、大赤蝦、大甜蝦、池魚、油甘魚、吞拿魚、三文魚等。小編覺得帶子同埋大甜蝦最好食!encore!除咗刺身之外,火炙香蔥左口魚邊壽司同埋海膽伴拖羅蓉壽司都好正!重點一題係啲壽司飯唔會好大舊。不得不提呢間餐廳有好多款熱食選擇,天婦羅、牛肉粒、牛柏葉、仲有燒菠蘿、燒牛舌!午市放題都算抵食!
張貼