家嫂

營業中

休息中

刺身+雞煲+打邊爐，飲品任飲，多元化係吸引。冇食雞煲直接打邊爐。食客係冇得自己落單，服務員態度麻麻，一來就執一set小食比你，唔理你岩唔岩食，冇得㨂。職員又要忙執枱上菜，落單就唔耐煩唔想解釋有咩食咁。牛肉豬肉一般，海鮮ok, 鮑魚花甲沙白新鮮，仲有蠔鱔魷魚蝦蟹，丸類餃子一般。菜類比得份量少，指定咩菜仲剪碎菜比客，冇嚮鈴蘿蔔，得枝竹，養生飲品煲太耐帶苦味。總括黎講唔限時，但職員唔想落單，菜量少，根本不會滿足火鍋迷。服務差過一般酒樓，只此一次，絕對冇下次。聽聞以前質素好，但係服務態度咁樣，真係趕客。