影片
更多
2020-01-03
35 瀏覽
能夠獲得連續五年日本天丼金賞獎嘅天吉丼，梗係要揀嚟試下啦！天吉丼 $118兩件孖黑虎蝦、 魷魚、海紅鯛、四季豆、茄子、南瓜、炸紫菜、溫泉蛋 配上白飯再淋上天丼汁，就成為咗呢一碗天吉丼喇！其實百幾蚊，有齊咁多款餸嘅一碗天丼，cp值看似不錯。剛上枱嘅天婦羅暖笠笠，但不巧的是坐嗰個位比較大冷氣，影咗幾張相已經吹到凍晒，(空調) 硬件上 店家可以改善一下。黑虎蝦的確結實又彈牙，孖蝦嘅炸法確令口感豐富咗、咬落感覺好滿足；魷魚，口感絕對唔係平時中式魷魚或者刺身魷魚嘅口感，唔係爽爽彈彈、唔係硬硬實實嘅口感，同喺日本食過嘅魷魚天婦羅一樣口感，比較軟綿綿、容易咬開嘅口感，令人一試難忘；海紅鯛，長長嘅一件魚肉，份量一啲都唔吝嗇，魚肉唔會鬆散，微微魚味，一啲都唔腥；南瓜，用上典型日本甜甜嘅南瓜，無得輸嘅甜味；茄子，由於茄子向來都係吸油嘅食品，佢都唔例外，一咬落口好似吸緊成啖油入口咁，個油膩感覺意外地超heavy，比起魚香茄子煲啲茄子更油，係因為炸得太耐而吸得太多油？！炸紫菜，小部分（被壓住係飯面嘅）淋咗，整體微脆，口感似薯片；溫泉蛋，之前有朋友食過話佢嗰次唔流心、唔開心囉，是日嘅炸蛋係流心㗎，頗有驚喜，最愛
天吉丼 $118
兩件孖黑虎蝦、 魷魚、海紅鯛、四季豆、茄子、南瓜、炸紫菜、溫泉蛋 配上白飯再淋上天丼汁，就成為咗呢一碗天吉丼喇！
其實百幾蚊，有齊咁多款餸嘅一碗天丼，cp值看似不錯。
剛上枱嘅天婦羅暖笠笠，但不巧的是坐嗰個位比較大冷氣，影咗幾張相已經吹到凍晒，(空調) 硬件上 店家可以改善一下。
黑虎蝦的確結實又彈牙，孖蝦嘅炸法確令口感豐富咗、咬落感覺好滿足；魷魚，口感絕對唔係平時中式魷魚或者刺身魷魚嘅口感，唔係爽爽彈彈、唔係硬硬實實嘅口感，同喺日本食過嘅魷魚天婦羅一樣口感，比較軟綿綿、容易咬開嘅口感，令人一試難忘；海紅鯛，長長嘅一件魚肉，份量一啲都唔吝嗇，魚肉唔會鬆散，微微魚味，一啲都唔腥；南瓜，用上典型日本甜甜嘅南瓜，無得輸嘅甜味；茄子，由於茄子向來都係吸油嘅食品，佢都唔例外，一咬落口好似吸緊成啖油入口咁，個油膩感覺意外地超heavy，比起魚香茄子煲啲茄子更油，係因為炸得太耐而吸得太多油？！炸紫菜，小部分（被壓住係飯面嘅）淋咗，整體微脆，口感似薯片；溫泉蛋，之前有朋友食過話佢嗰次唔流心、唔開心囉，是日嘅炸蛋係流心㗎，頗有驚喜，最愛用蛋黃汁搗飯食！
天丼除咗飯同天婦羅兩款主角外，天丼汁都係重點所在！出色嘅天丼汁可謂是整碗天丼嘅靈魂所在，無汁、一切就太乾了，有汁而不夾味、一切就敗筆了；店家嘅天丼汁不過不失，雖然獨立試味時覺得微微偏咸、獨特甜香味未夠，但可幸地mix 在天丼上一齊食時，味道沒有過咸、味道啱啱好！(但還是不及日本當地嘅味道咁驚豔…)
同行友人揀咗 天幕御膳 $148
兩件孖黑虎蝦、海紅鯛配紫蘇葉、軟殼蟹、什錦炸物(洋蔥和魷魚)、茄子、南瓜、炸紫菜及四季豆，而白飯可以自由添加；呢款食品最大特色就係"三食法"~~ 天婦羅、天丼、天茶泡飯。 蘿蔔蓉天婦羅汁，傳統天婦羅食法；天丼食法就係自己放啲天婦羅上飯面，再自己加上天丼汁；最後天茶泡飯就係茶漬飯嘅食法，高湯係後叫才上，免得一上枱就跟來、會變凍嘛。
秘制高湯係鰹魚湯，預先放晒入大笨象式嘅熱水壺內，店員會從熱水壺按出高湯入小茶壺內、然後上枱；也許熱水壺內的高湯餘下不多，當日上枱時嘅高湯可謂不溫不熱，接近常溫，頗失望，而高湯味道略為偏淡，個人唔太識欣賞哦；另，提提大家，天婦羅始終為油炸食物，加入高湯後的泡飯會略為油膩。
當日那個天幕御膳的炸南瓜，友人咬下第一口時，差點"咬爛牙"，誰會預計過披著天婦羅炸衣的南瓜片會係附有南瓜"錠"嘅南瓜片，如此嘅食材處理失當，令人不悅！！
主菜以外，餐廳無限量提供牛蒡茶、醃製蘿蔔牛蒡、椰菜絲配柚子醬汁，該柚子醬汁除了酸香味，還帶有微微、微微辣味。
張貼
