更多
2015-04-07
3239 瀏覽
當日係星期五，大家都諗住放曬工放曬學先齊人食，同埋都知道會人多，所以都無預好早食到，點知。。。我地一共7個人，幾位朋友7點零就到左等位，唔知係因為長檯數量少定點，一等就兩個幾鐘，入得個陣都成9點搭9!!!等咁耐真係史無前例啊!食物方面，我地有張送護心肉嘅Coupon，順理成章就嗌左黎試，一叫就兩碟。上碟個模樣有D似牛肉，結果我地燒埋黎試先知係豬，厚度大約係平日家常菜抄肉片個種，食唔出咩特別調味料，但就非常有咬口，亦好多汁，最後仲encore多碟，可以一試。仲有另一道豬──五花肉，佢地嘅五花肉係長長一片，共三片，當然唔係肥牛個種薄片，都有些少厚度，但就唔係我地平日燒腩仔個種食法，但我依然會剪開細細舊食，咁先可以人人有份食。可惜味道方面就唔似其他咁有深刻印象。豬肉方面反而特別記得豬頸肉，因為同平日我地街市買，或者中菜個種唔一樣，食落唔會覺得好肥，仲好煙韌，比起其他肉類，唔會咁易燒焦。仲有大受好評嘅豬大腸同豬皮!!豬皮都係最好一開三，逐少逐少食，如果唔係可能會覺得太「濟」，亦唔好燒太耐，原以為會愈燒愈香脆，其實燒得耐只會過「淋」，或者d油會彈到周圍都係。豬大腸本身已剪到細細塊，而且唔會有
食物方面，我地有張送護心肉嘅Coupon，順理成章就嗌左黎試，一叫就兩碟。上碟個模樣有D似牛肉，結果我地燒埋黎試先知係豬，厚度大約係平日家常菜抄肉片個種，食唔出咩特別調味料，但就非常有咬口，亦好多汁，最後仲encore多碟，可以一試。
仲有另一道豬──五花肉，佢地嘅五花肉係長長一片，共三片，當然唔係肥牛個種薄片，都有些少厚度，但就唔係我地平日燒腩仔個種食法，但我依然會剪開細細舊食，咁先可以人人有份食。可惜味道方面就唔似其他咁有深刻印象。
豬肉方面反而特別記得豬頸肉，因為同平日我地街市買，或者中菜個種唔一樣，食落唔會覺得好肥，仲好煙韌，比起其他肉類，唔會咁易燒焦。
仲有大受好評嘅豬大腸同豬皮!!豬皮都係最好一開三，逐少逐少食，如果唔係可能會覺得太「濟」，亦唔好燒太耐，原以為會愈燒愈香脆，其實燒得耐只會過「淋」，或者d油會彈到周圍都係。豬大腸本身已剪到細細塊，而且唔會有平日車仔麵個種腥味，頗為新鮮。
牛肉就點左牛肋骨肉、牛五花，同喜來烤肉。三款都值得推薦，牛五花用自家製醬汁醃好，但燒完再食就唔係好食得出汁嘅味道，牛肋骨肉就比較似平日食牛排嘅質地，份量算多，喜來烤肉上碟個陣砌成朵花咁，原本睇落以為得好少，但其實都有返咁上下份量，薄薄一片，脂肪分佈均勻，好快熟，而且好JUICY。
另外，喜來稀肉嘅一大買點，就係爐邊蛋，第一轉個陣我地以為要等到d蛋脹起黎先好食，但咁樣其實代表入面已經熟過龍兼黐底。最好食應該係蛋嘅表面熟透，但入面仲有少少流心。爐邊蛋都有兩種口味，一邊係齋蛋汁，另一邊有泡菜，但一d都唔辣。
最後要提嘅係好好味嘅配菜，同蛋、生菜一樣，可以任添。最好食嘅個道係青蔥加芽菜配甜辣醬!用黎夾係生菜包入面最正!
最後埋單每人二百零蚊。
張貼
