利豐園韓國料理

營業中

休息中

今日中午和同事去了這間餐廳食午餐，食到一肚火。我勸大家唔想食物中毒就唔好黎幫襯。我相信呢間餐廳距離關門大吉的日子不遠了。一坐下侍應便送上一碟韓式前菜，有芽菜，薯仔，泡菜。我點了鐵板雞，同事點了韓式伴飯，兩份食物隨餐送蘿蔔湯。一吃下去發現鐵板雞不是熱的是暖的，而且雞肉鞋口。 其實都不是大問題，最大問題是衛生極度惡劣。我食芽菜食到一大半的時候，突然發現一個黑色圓形物體，起初以為是豆豉，再細心一看原來是曱甴!!!!!!!!!!!! 仲要係原整一隻，不是曱甴腳。 我立即通知侍應她替我換過另外一碟前菜，但當下己經食唔落。 最初我以為只是芽菜有問題，原來我同事的蘿蔔湯內都發現另一隻小曱甴!!!!!!!!!! 她都是差不多飲完先發現有曱甴，自己不知不覺間飲了半碗曱甴水落肚。這間餐廳不但食物難食，衛生環境仲十分惡劣。我咁大個人都未試過去過一間食物內有曱甴的餐廳，最多是只是地上有曱甴。老闆話之前曾經滅虫而家曱甴出晒黎，咁你點解唔清晒所有昆蟲先開鋪呢!!!我勸大家不要光顧這餐廳，今次食物內有曱甴下次又唔知有咩昆蟲。