六丸(居食屋)日本料理 (已結業)

係旺角食得日本嘢, 唔係去連鎖就去放題, 今次決定要試試通菜街啲日本餐廳!戰戰兢兢, 因為知道旺角唔會好~乾淨, 亦聽朋友講過食過間好差既..但都係要俾次機會佢, 唔好食最多以後唔食啫~ 冇嘢既~o 海膽軍艦 $38/2件   都算幾多料喎以呢個價錢, 雖然味道淡啲, 都OK新鮮呀! 可以叫~o 櫻之花壽司拼盤 約$118   有8件壽司3件卷物, 都可以啦~   刺身味道都可以, 唔算薄切, 算係咁啦, 幾好呀!    卷物幾好味, 如果淨叫卷物可能仲好, 反正刺身唔係特別出色... o 美國蠔 $45 / 2隻   好鬼平! 仲好大隻吓!   雖然味道唔係好濃, 但都新鮮, 又厚肉!!   呢個價錢, GOOD! o 清酒煮蜆 約$45   一上菜, 個味咁怪既? 原來係好好好勁既胡椒味!   令我即刻懷疑咁勁胡椒係咪想用嚟袪腥..   飲落個湯都仲有清酒味, OK喎, 不過因為胡椒既關係, 好辣!! (LIKE)   食清楚粒蜆, 都唔太覺有腥味, 只係韌咗啲~   雖然個湯都係有味精架啦, 不過又真係幾好飲既!   見隔離枱兩個人仲一人一份tim呀!如果咁啱係旺角, 又真係好想