影片
更多
2019-09-02
37 瀏覽
Omakase！相信好多人都唔會對呢個字感到陌生，呢個日文解廚師發板。今次帶左心儀對象去食呢間上野鐵板燒。黎到問老闆有咩介紹，老闆二話不說就推介我地食鐵板活鮑魚套餐，2人份量都只係$668！唔太傷荷包又唔失體對方！呢個套餐分前菜、主菜、湯、甜品。廚師每製作一道菜既時候都會問清楚客人有冇野唔食，或者食物敏感之類，非常貼心！最先上既係前菜，豆腐和風沙律，醬汁獨特，酸酸甜甜，好開胃！值得一提係老闆話呢個醬汁係佢地自己調製，第二到食唔到架！到主角主菜，主菜有七道，包括三文魚刺身、鐵板活鮑魚、香煎銀鱈魚、美國安格斯牛肉薄燒、煙肉黃金炒飯、日式炒椰菜。一面食廚師就會繼續準備下一道菜，每道菜之間既等候時間並唔長，但足夠同身邊人談心❤三文魚刺身有6片，而且係厚切既三文魚，非常足料！每人可以分到3片，非常滿足！鐵板活鮑魚未放上鐵板前鮑魚居然仲識郁！鮑魚睇落相當新鮮，唔需要太多調味已經鮮味十足！香煎銀鱈魚製作時，望見廚師將魚皮煎香，再用牛油、鹽同埋少許醬汁去調味。望到我都流晒口水，急不及待想即刻試一啖！美國安格斯牛肉薄燒係燒之前廚師會問客人牛肉想煎幾成熟？我反問廚師幾成熟佢覺得最好食，廚師回答大約煎到7-
今次帶左心儀對象去食呢間上野鐵板燒。
黎到問老闆有咩介紹，老闆二話不說就推介我地食鐵板活鮑魚套餐，2人份量都只係$668！唔太傷荷包又唔失體對方！
呢個套餐分前菜、主菜、湯、甜品。
廚師每製作一道菜既時候都會問清楚客人有冇野唔食，或者食物敏感之類，非常貼心！
最先上既係前菜，豆腐和風沙律，醬汁獨特，酸酸甜甜，好開胃！值得一提係老闆話呢個醬汁係佢地自己調製，第二到食唔到架！
到主角主菜，主菜有七道，包括三文魚刺身、鐵板活鮑魚、香煎銀鱈魚、美國安格斯牛肉薄燒、煙肉黃金炒飯、日式炒椰菜。一面食廚師就會繼續準備下一道菜，每道菜之間既等候時間並唔長，但足夠同身邊人談心❤
三文魚刺身有6片，而且係厚切既三文魚，非常足料！每人可以分到3片，非常滿足！
鐵板活鮑魚未放上鐵板前鮑魚居然仲識郁！鮑魚睇落相當新鮮，唔需要太多調味已經鮮味十足！
香煎銀鱈魚製作時，望見廚師將魚皮煎香，再用牛油、鹽同埋少許醬汁去調味。望到我都流晒口水，急不及待想即刻試一啖！
美國安格斯牛肉薄燒係燒之前廚師會問客人牛肉想煎幾成熟？我反問廚師幾成熟佢覺得最好食，廚師回答大約煎到7-8成熟就可以。牛肉裡面包裹住香蒜同蔥花，十分惹味！
煙肉黃金炒飯只見廚師加入蛋漿同時旁邊炒香煙肉混入飯中，令每一口飯都帶有煙肉既味道。
日式炒椰菜則係經過係鐵板快炒，好快就上碟，但食落爽脆得黎又帶有胡椒味道，看似簡單食落卻一d都唔簡單！
食完晒主菜，係時候飲返碗熱湯。湯係活蜆雜菇麵豉湯，當中加入各式菇類同蜆肉，鮮味十足。
最後壓軸出場係甜品，雞蛋布甸。布甸口感柔滑，甜度適中，蛋味濃郁，為呢餐畫上左完滿既句號！
張貼
