Pizza Maru (屯門市廣場1期)

營業中

休息中

韓燒烤肉菠菜意大利飯呢個意大利飯食落口唔太硬，而且當食烤肉嘅時候亦都有韓燒烤肉嘅香味，肉質嚟講算係不過不失，又唔好期望係咩和牛入口即溶。飯入邊亦都有啲蒜蓉同埋黑松露，不過亦都有我最唔鍾意食嘅青豆。所以大家要考慮吓。蒜香甜辣秘製炸雞炸雞想點唔會太乾，撕開會有啲肉汁喺入邊。而且個皮亦都好脆，有執得來又唔會搞到個皮林晒。不過美中不足就係佢嘅醬汁唔多，好難每一舊雞都可以沾長醬汁。佢個汁嚟講唔係太辣，蒜香味突出。環境佢有店內同店外，店內就有歌聽，而且裝修比較舒服，店外就坐喺商場走廊。而呢度服務通常都係外國人，所以都係用手指指叫野食，不過咁樣就可能令到大家覺得有風味啲。