黃金滿屋茶餐廳 (已結業) 查看

外國朋友訪港，撞啱佢生日，所以係佢入住既黃金海岸酒店附近既商場食完飯同佢去甜品屋食蛋糕慶祝。一行四人食左四款唔同既蛋糕。壽星妹好鍾意食朱古力，而且見到個金字塔朱古力好特別所以就試左個 chocolate chip mousse cake。蛋糕入面係冇chocolate chip，入面下半層先係chocolate mousse。朋友勉強話OK la... 但見佢冇食哂就知道有幾OK... 第二位好鍾意好立克既朋友因為早前食過一個好正既 horlick cake，所以唔洗諗就叫左個horlick cake食。佢好失望，因為個蛋糕完全冇好立克味而且好乾。食黑森林嗰個就話無乜點。我自己就食左個又硬又乾又冇芒果味既mango dome cake。嘩，因為全部座位都係室外，我個蛋糕面既粉吹到周圍都係。一句講哂非常唔好食，試都唔好試!!每個蛋糕係HK$20。如果要埋杯咖啡或茶就要HK$40/set。