靠得住粥麵小館 (已結業)

自從某次在灣仔駱克道食過'信得過'既黃沙豬膶粥就一試愛上，黃沙豬膶獨特既口感真係非一般豬膶可比美但由於信得過太遠了，位置又差，在灣仔銅鑼灣之間，兩頭唔到岸，有灣仔地鐵站行過去遠到死，所以有時想食都只好放棄。剛巧今年屯門又開了間'靠得住'，兩間店名字都相似，唔知係咪同一公司分支，就好似海天堂同大家姐咁，唔理咁多，一於去試下，呢間舖最吸引我既食物就係白灼魚皮同黃沙豬膶粥，第一次去可以叫到白灼魚皮~的確好爽口又唔腥，價錢又唔貴，另外叫左一碗黃沙豬膶粥，真係黃沙架，果種軟綿既口感真係好正，心諗真係好喇，以後唔洗去到灣仔先有得食，因為好多粥店都話自己係黃沙膶，但其實就唔係，包括屯門碼頭一粥麵都唔係，我聽人講黃沙膶唔係咁易有貨，因為係病豬肝黎，所以唔知係咪因為咁，供貨咁唔穩定，跟住我第二，三次去食黃沙膶粥，已經唔再係黃沙膶兼無魚皮食，由於佢都要50幾蚊一碗，而且環境唔係好，成日有烏英飛來飛去，d人態度又唔係特別好，如果50幾蚊一碗普通膶粥，我係舊式粥檔都食到，價錢平一半有突添。