火水爐花膠館

營業中

休息中

湯底一向都係火鍋中既靈魂，無論食材有幾新鮮，都要有個出色既湯底，令食物味道昇華，豐富番整餐飯既感覺。今次呢間火鍋店主打花膠湯底，對女士男士都好有益處，決定一試。由於想試真d個味(其實係怕第一次食會伏🤣)，所以揀左最正常既濃厚花膠雞湯底。火鍋配料算係多樣化，只係飲品得幾款汽水係仼飲，其他要加錢。好少見火鍋店有一碟餐前小食送過黎(某d舖係自助去拎既🤔)主體終於出場，花膠好大片好滑，食落去好舒服。出色既仲有入面d雞，非常滑同好有雞味(無冰鮮既味道)，重點係個湯好好飲，未開始食配料先飲兩碗👍🏻👍🏻當下覺得個皮膚滑左🤣每次黎到既火鍋料份量唔算多，但上面幾款都好食，重覆叫左幾次。最好既係一路食個口都好jam有骨膠原，好滋補😂打完邊爐，仲會有個糖水送，令個口腔無左油膩感。環境以懷舊風為主，配合”偽”紅光管。唯一想佢改善既係個background music開得太大聲，講野好似要叫出黎😅整體黎講，想抵食而健康既話，呢間係選擇之列。