影片
更多
2009-10-12
6 瀏覽
上星期日畀屋企人老點之下食左餐韓國野，今晚呢餐又衰多一次韓國野......呢間野響屯門都好多年，之前響屯門市廣場，果陣o的野好好食，後來搬左呢個位之後都無食過。細佬之前去過兩次之後都痾到七彩，但阿媽同妹妹想試之下，都去左呢度一試。一分錢一分貨，經驗告訴我，除了五星級酒店自助餐外，絕不能對一個價錢任食的餐廳有太太期望。因細佬的慘痛經驗，我們沒有吃壽司、泡菜、芽菜等冷盤。因肚餓，我主力食左幾樣熱盤先。坐定了，行去拿野食，有一張自助餐檯，客人可以拿自己鍾意的食物，然後返去享用。雖則是任食，但可供韓燒的食品選擇實際不多，反而熱盤及壽司種類不少。西瓜汁：未喝過如此稀的西瓜汁！好似飲水咁，飲左兩杯都解唔到渴。薯餅（熱盤）：很脆，外皮唔硬，吃下去是熱的。通菜（熱盤）：炒得唔錯，我拿了三次。缺點是凍的，要放上鐵板加熱。粉絲（熱盤）：味道OK，但略為焾了一些。炸餃子（熱盤）：放得太耐，凍冰冰的，皮硬到咬唔開，餡料只有韭菜，非常難食。雞翼（熱盤）：夠入味，皮很脆，吃的時候還熱，有脆漿的更好吃。冬蔭功湯：與其說冬蔭功，不如說是酸辣湯。個湯一味酸，唔夠辣，完全無香茅味，冬蔭功即食麵的湯底仲地道過佢。牛仔骨（韓
呢間野響屯門都好多年，之前響屯門市廣場，果陣o的野好好食，後來搬左呢個位之後都無食過。細佬之前去過兩次之後都痾到七彩，但阿媽同妹妹想試之下，都去左呢度一試。
一分錢一分貨，經驗告訴我，除了五星級酒店自助餐外，絕不能對一個價錢任食的餐廳有太太期望。因細佬的慘痛經驗，我們沒有吃壽司、泡菜、芽菜等冷盤。因肚餓，我主力食左幾樣熱盤先。
坐定了，行去拿野食，有一張自助餐檯，客人可以拿自己鍾意的食物，然後返去享用。雖則是任食，但可供韓燒的食品選擇實際不多，反而熱盤及壽司種類不少。
西瓜汁：未喝過如此稀的西瓜汁！好似飲水咁，飲左兩杯都解唔到渴。
薯餅（熱盤）：很脆，外皮唔硬，吃下去是熱的。
通菜（熱盤）：炒得唔錯，我拿了三次。缺點是凍的，要放上鐵板加熱。
粉絲（熱盤）：味道OK，但略為焾了一些。
炸餃子（熱盤）：放得太耐，凍冰冰的，皮硬到咬唔開，餡料只有韭菜，非常難食。
雞翼（熱盤）：夠入味，皮很脆，吃的時候還熱，有脆漿的更好吃。
冬蔭功湯：與其說冬蔭功，不如說是酸辣湯。個湯一味酸，唔夠辣，完全無香茅味，冬蔭功即食麵的湯底仲地道過佢。
牛仔骨（韓燒）：吃得出肉很不新鮮，臊的！所以餐廳用很濃的醃料掩飾，可惜醃料的味道很怪，反而令肉更臊。
腸仔（韓燒）：肉質算是過得去，但係鹹得離譜。
豬頸肉（韓燒）：又是醃料出事！我發現所有肉類，不請豬、牛、雞，都是同那一種醃料醃肉，吃下去全部都是一個味道。
蝦（韓燒）：霉的，是海鮮的致命傷。
如果佢係一間中式餐廳，我會畀高分；但係叫得自己做韓國餐廳，韓式食品係咪都應該好食？而家佢地韓式野完全唔掂，簡直係掛羊頭賣狗肉，仲要每人$144，下次咪預我。
張貼