吾家

營業中

休息中

去完新田食晏，再落流浮山，成日落陣雨，基本上帶住寵物唔想出街食晚餐，咁就喺返屋企嘅途中諗住喺新墟睇吓有咩外賣買返屋企食，跟住見到呢間門面幾特別就買呢間。本來想試佢餐牌上面個蔥油撈麵，但係佢話而家冇做。因為實在太大雨，連個花膠雞湯都唔記得嗌，有機會下次要試返。整體食物嚟講，餃子係出色嘅，嗌咗個炸餃係韭菜餡，返到去個皮仲係脆，同埋咬落去爆餡多汁又夠皮薄。另外湯餃跟豬扒酸辣米線個湯餃係芹菜鮮肉，都好好味。但係個豬扒就薄咗啲同鞋厚啲。藕餅就過火咗少少，墨魚丸就正常。下次後天有路過屯門新墟，要試吓堂食會唔會再好食啲。