Nomads (已結業)

黎到食午飯。首先可以去自助沙律吧拎野食，春卷炸得幾脆同埋唔油膩，而且o仲係幾熱，唔錯。其他凍嘅沙律都幾新鮮，幾開胃。然後就要排隊出去整主食啦。首先要選擇左主食嘅材料先，可以揀薄餅或者各式嘅粉麵。然後就要將自己想食嘅配料放入器皿入面，包括有各種蔬菜，海鮮同埋肉食。按照自己想要嘅種類同埋份量拎好之後，就要係另一個小碗入面調教到時用黎炒嘅醬汁。所有野都準備好之後，就可以交比廚房去炒或者焗。約十分鐘之後，侍應就會將完成品送過黎架啦。雖然過程真係幾有趣，但味道方面，始終因為自己唔識控制各種材料嘅最坐比例，同埋材料都唔算新鮮。所以食嘅時候，只食到一堆醬好濃好濕咁，而食唔到材料本身嘅味道，而麵亦都被煮到淋哂。