雅苑座

雅苑座一直係我心目中一間非常高質素的buffet,朋友聚會想食buffet,當然首選呢間 一進入餐廳，好多萬聖節的物品，仲有現場live 唱歌，好有氣氛，好正。之後服務員又好細心地送上萬聖節特飲-魔鬼之眼，賣相真係好似一對魔鬼眼，飲落又唔算太甜，唔錯唔錯。原來依家係食大閘蟹季節，每位仲可以享用一隻大閘蟹，我地梗係第一時間試下先喇，咁岩今年未食過，估唔到食buffet都有得食，好happy 雖然係三兩重，但都有好多膏，算係咁喇。食完仲見到有薑茶提供，嘩嘩嘩，真係好貼心，值得一讚 食物方面，梗係首先去食海鮮喇，起碼食番回本價，哈哈哈。有長腳蟹，龍蝦仔，面包蟹，青口，每樣都好鮮甜，特別係長腳蟹，又多肉，我一口氣食左3大碟 。之後，就跟住去食烚海鮮，當晚有花甲，東風螺，沙白，花蟹，仲有牛丸，菜，牛柏葉，好多種類，任君選擇，仲提供清湯同喇沙湯底。食完後，梗係清清腸胃，去食沙律菜，蔬菜種類足夠，好新鮮，咀嚼時介'集集'聲，真係覺得廚師們準備食材絕不馬虎 好喇，到我最愛的甜品，也是我最喜歡雅苑座的原因，甜品真係一流，有我至愛的tiramisu,blueburry cheese cake,