阿閒泰 (K11購物藝術館)

營業中

休息中

疫情放緩，又係時候出動食好嘢。今日爸爸放假，就請佢過嚟一齊食泰菜。Ahan Thai之前行K11嘅時候見過，亦都有朋友介紹過。餐廳嘅門面吸引，啱晒打卡😝斑蘭椰香鮮奶咖啡（熱）第二度無飲過，味道好特別，斑蘭同咖啡好夾好有驚喜，😍 咖啡大杯又好飲，唔會太甜，冷氣好凍嘅時候，一杯熱飲落肚實在滿足☺️首先嚟嘅係煎海蝦芒果牛油果有機藜麥泰式沙律，係好好嘅開胃菜，冰凍，酸，鹹，甜，加埋軟滑嘅牛油果，有咬口嘅藜麥，一下子又好多重味覺嘅刺激😆不過牛油果有小小爛，應該係壓凹咗。我無要求換，切走咗果小小，不過就有少少失望。其實可以切粒唔要果部分？香煎帶子青咖哩醬新鮮蔬菜濶條麵賣相吸引，青咖哩味道頗特別，甜中帶辣，仲越食越辣。蔬菜濶條麵好煙靭，香菇同帶子煎過，都幾香口。餐飲叫咗個Affogato, 賣相真的很吸引，雖然飲落就有啲論盡😂 滾熱嘅 Expresso 用玻璃樽仔裝住，waiter亦都好貼心咁提醒要注意溫度。