金鳳大餐廳 (山林道)

營業中

休息中

金鳳的大名已聽過不少次，往時6:00pm許在那長沙灣舖已見大排長龍 『係咪咁正呀』: 心諗 這天中午不期然行過山林道，又見到金鳳了，但呢次係無人的，好奇怪；兼且午餐價錢竟然只須$30大元，一間咁出名而坐落尖咀地區嘅餐廳竟会如此便宜，我當然唔會放過此機會喇 。7成滿座，入去無侍應招呼，無所謂便找個位坐下去。望望Menu，見有牛仔柳餐，lum 住大餐廳的牛仔柳一定唔差，so 便 order 一份。眼見待應手腳非常〝那西〞，餐具排都不排好，一手一渣放哂係枱，枱面又唔抹，好不乾淨呢 有野食了，個餐其實好豐富 : 餐包、羅宋湯、牛仔柳薯菜、凍Lemon Tea 餐包 - 全餐最好，估唔到超軟又熱辣辣，好味羅宋湯 - 味可以，材料亦十足，但敗筆在唔夠熱，及唔夠濃，一般牛仔柳薯菜 - 賣相好吸引，但牛仔柳肉一切落去已覺唔掂；霉霉淋淋的，一啲肉質感也無，味道還接受到，但點可以上抬架 。薯條偏淋、無味又唔脆；大白菜整得過耐，好 un 呀！呢間真的傳說中的金鳳？點解會咁差勁架 ，可能真的一分$$一分貨，「糊口可以」，但我真的 prefer 賣貴o的做好o的喇，呢間無下次 law。