豐記雞蛋仔 (已搬遷) 新店位置

今日路過豐記，想食件格仔餅，諗住咁普通嘅街頭小食好難唔好食，點知今次真係遇到高人!首先，件格仔餅唔係新鮮出爐，只係微溫已經大打折扣。食落口完全無味道!一啲旦香都無，只係一大陣麵粉味!諗住食到中間有餡嗰啲會好啲，佢都係加牛油，花生醬同沙糖，但仍然係無味!花生醬唔香，好似水咁，牛油因為件餅唔熱亦都無香味，所以件餅極其量只係有少少沙糖甜味同麵粉味。講真，我咬完第一啖已經唔想食，但一來耍成13蚊，二來唔想太浪費，所以最後食晒中間有餡嗰啲，個又硬又無味嘅邊真係食不下嚥。