更多
2015-04-20
1286 瀏覽
細佬今日同朋友去睇早場，睇完戲諗唔到食咩行過九龍公園個頭見到一間大大個招牌寫住澳門茶餐廳，外面睇入去幾乾淨，門口放左一等香噴噴嘅葡撻，幾吸引，決定一試。一行到去，人好多，環境衛生方面茶餐廳黎講還可以。我同朋友被安排到去埋邊嘅卡位坐低。睇睇個餐牌，都幾多特色野食。最後小弟叫左個清湯魚蛋魚片河，澳門豬排豬仔包，咖吔砂糖鮮油豬仔包，仲有三個葡撻。最先黎嘅係葡撻，可能係出爐無耐，好香，仲好熱。小弟見識少，淨係食過kfc個d葡撻，就咁睇個樣我覺得冇咩特別一咬落去個下不得了。外面穌皮趣到傻就基本啦，入面d蛋滑到我都唔係好知點形容，總之就very good啦。再試下自己個豬排豬仔包。豬排煎過好香，不過個包身有d凍，咬落去硬左d。 不過舊豬排係好味嘅，仲有d洋蔥tim。細佬個人認為大份d會更好。個咖吔係朋友叫嘅，我試左一啖，好味，牛油好香，不過我覺得好甜。鍾意甜嘅朋友可以試下
細佬今日同朋友去睇早場，睇完戲諗唔到食咩行過九龍公園個頭見到一間大大個招牌寫住澳門茶餐廳，外面睇入去幾乾淨，門口放左一等香噴噴嘅葡撻，幾吸引，決定一試。
一行到去，人好多，環境衛生方面茶餐廳黎講還可以。我同朋友被安排到去埋邊嘅卡位坐低。睇睇個餐牌，都幾多特色野食。最後小弟叫左個清湯魚蛋魚片河，澳門豬排豬仔包，咖吔砂糖鮮油豬仔包，仲有三個葡撻。
最先黎嘅係葡撻，可能係出爐無耐，好香，仲好熱。小弟見識少，淨係食過kfc個d葡撻，就咁睇個樣我覺得冇咩特別
一咬落去個下不得了。外面穌皮趣到傻就基本啦，入面d蛋滑到我都唔係好知點形容，總之就very good啦。
再試下自己個豬排豬仔包。豬排煎過好香，不過個包身有d凍，咬落去硬左d。 不過舊豬排係好味嘅，仲有d洋蔥tim。細佬個人認為大份d會更好。
個咖吔係朋友叫嘅，我試左一啖，好味，牛油好香，不過我覺得好甜。鍾意甜嘅朋友可以試下
張貼
