海南少爺 (已結業)

招牌海南雞飯拼馬來西亞肉骨茶 $138海南雞十分美味，柔嫩嘅雞肉搭配香氣四溢嘅油飯，口感鮮嫩多汁，搭配特製嘅辣椒醬同醬油，更增添不少風味。另外肉骨茶，湯汁香濃，有種獨特嘅味道，肉甜鮮美，配料豐富多樣。炒貴刁 $118炒貴刁真係超好食，又夠鑊氣，加上微辣香口嘅參巴醬，完全散發出濃郁嘅香氣，仲有蝦同魚片作配料，入口煙韌有嚼勁。蔥油酥餅配咖喱汁 $68蔥油酥餅煎至金黃酥脆，外脆內軟，配搭濃郁嘅咖喱醬汁，每一口都能品嚐到蔥油酥餅嘅香氣同咖喱汁嘅奇妙結合，真係食到停唔到口。班蘭椰香戚風蛋糕 $48蛋糕清香獨特，口感柔軟細滑，啖啖都充滿班蘭同椰香嘅香甜味。美綠哥斯拉 $38美綠加忌廉，飲落順滑，非常Creamy。熱帶雨林 $28入面有石榴、番石榴、菠蘿同香橙，味道清新，解暑一流。