日暮家 麵匠

營業中

休息中

朋友生日，因為佢係AK fans，特登陪佢去日暮家食拉麵，本來滿心歡喜的一餐，未入座就受到不禮貌對待。我們一行三人，排了一個半小時終於排到第一，諗住終於有得食，點知叫位果個哥哥，兩度直行直過，一句交帶都冇叫咗後面兩組二人入座。於是咪問吓係咪要等有三個位先到我哋入？嘩，問一句啫，果個叫位哥哥衝返入店之後再衝出嚟，非常兇狠咁呼喝咗句「你係咪分開坐丫？即刻俾你入！」即時咩心情都冇晒啦。最後等到入座，分別叫咗兩碗琥珀拉麵、一碗日和拉麵同四款口味嘅天婦羅雞翼，琥珀拉麵有得揀麵既軟硬質同香味油濃度，我同朋友都揀咗唔同既麵軟硬質，但店員送兩碗麵過來時就咁放低兩碗麵，咁邊碗係軟邊碗係硬？唔知道囉。本來開開心心既一餐生日飯，食到成肚氣，fans朋友係咁say sorry唔好意思，埋單平均每人都要$250，咁嘅價錢，講真可以有更多其他選擇，唔係陪朋友，真係唔會再食第二次。