大喜屋 (已結業)

第一次去大喜屋食放題，幾正。刺身有好多選擇，包括三文魚、油甘魚、帶子、北寄貝、螺片、鮑片等，個人最鐘意三文魚，肥美厚切，都幾鮮甜。鮑片同螺片非常爽口，口感幾有嚼勁。天婦羅都好好食，炸得內軟外脆，又冇油益味，熱辣辣都幾惹味。甜蝦都唔差，大隻得黎又啖啖肉，新鮮入味。除左刺身，重有八爪魚軍艦、芝士年榚等等都係唔錯既推介。芝士年榚芝味濃郁，表面香脆，但食落唔算太膩。順帶一題，生日重會送海膽刺身，絕對大飽口福。甜品都好食，糯米糍同焦糖燉蛋都係我既最愛。最後每人重可以限量叫一杯雪糕，我㨂左haagen daz野莓雪糕，滿載而歸。