影片
更多
2016-09-01
209 瀏覽
約左朋友睇演唱會, 就響尖東一帶食完飯先. 噴水池果邊人又多又比壓力你快D走, 所以行過少少睇下有咩野食, 無意中發現尖東公園有呢間中菜, 望入去地方幾大, 夠闊落. 朋友唔想浪費時間搵, 所以一於試下. 餐牌中英對照, 應該係方便遊客, 不過睇落簡單易明唔花巧.人氣之選系列, 有款爆炸可樂伴蜜炙义燒個夠好似幾過引. 一黎到係鐵板上熱辣辣, 义燒既蜜汁夠晒惹味, 咸甜味配合得剛剛好. 肉質亦夠軟滑, 帶少少脂肪, 更加香口. 而爆炸可樂係幾粒炸過既波波, 入面包裹住可樂漿, 甜甜地幾得意.仲有個鬼馬龍皇卷, 個名又係好有趣. 其實係油炸鬼上加左D蝦膠再炸. 咬落油炸鬼好脆口, 唔油. 蝦膠好爽, 面頭再加左奇妙醬酸酸甜甜, 好開胃.食完仲有甜品送, 係桂花糕, 清清地唔甜, 而且賣相好靚.
餐牌中英對照, 應該係方便遊客, 不過睇落簡單易明唔花巧.
人氣之選系列, 有款爆炸可樂伴蜜炙义燒個夠好似幾過引. 一黎到係鐵板上熱辣辣, 义燒既蜜汁夠晒惹味, 咸甜味配合得剛剛好. 肉質亦夠軟滑, 帶少少脂肪, 更加香口. 而爆炸可樂係幾粒炸過既波波, 入面包裹住可樂漿, 甜甜地幾得意.
仲有個鬼馬龍皇卷, 個名又係好有趣. 其實係油炸鬼上加左D蝦膠再炸. 咬落油炸鬼好脆口, 唔油. 蝦膠好爽, 面頭再加左奇妙醬酸酸甜甜, 好開胃.
食完仲有甜品送, 係桂花糕, 清清地唔甜, 而且賣相好靚.
張貼
