傷心酸辣粉 (科學館道) (已結業)

Lunch時間唔肚餓冇食嘢，到咗4點零開始肚餓，於是外賣自取麻辣肥腸酸辣粉！雖然麻辣肥腸同以前唔同咗，以前係豬大腸，但配料都冇點變，花生夠脆又夠香，配上青瓜絲、芫茜、蔥花、白芝麻！簡直小菜我通常要BB辣，而酸辣粉要小辣，雖然酸辣粉小辣都算辣，但係小辣係我認為最好味嘅，唔會辣到蓋過所有香味嘅，小辣辣度令薯粉發揮到最好味，要讚下啲薯粉夠軟滑煙韌酸辣粉嘅薯粉係成個粉嘅靈魂，薯粉嘅好壞好重要！當然如果要尋求刺激嘅話，就揀辣度高啲嘅！不過一定要無時無刻有嘢飲同紙巾喺度stand by! 尤其喺烈日當下嘅日子，一定刺激到邊食邊標汗，手不離凍飲！食得辣先好尋求刺激啊！